Terremoto en Nepal: un mes despois, a desnutrición é unha ameaza crecente para os nenos
Un mes despois dos dous grandes terremotos en Nepal, UNICEF estima que 70.000 nenos menores de cinco anos necesitan urxentemente apoio nutricional para previr a deterioración do estado nutricional dos nenos.
Ao redor de 15.000 nenos en 14 dos distritos máis afectados
necesitarán alimento terapéutico -como pasta de cacahuetes rica en
nutrientes lista para o seu consumo- para o tratamento da
desnutrición severa aguda. Ademais uns 55.000 nenos con
desnutrición severa moderada requirirán alimentación suplementaria
e coidados para volver ter un desenvolvemento e crecemento
saudables.
"Antes do terremoto, un neno de cada dez
en Nepal xa sufría desnutrición aguda, mentres que case catro de
cada dez sufrían atraso no seu crecemento debido á desnutrición
crónica", di Tomoo
Hozumi,
representante de UNICEF en
Nepal. "Agora preocúpanos seriamente que
a situación se deteriore debido ao desastre, e que se perdan os
avances en nutrición que este país logrou nos últimos
anos".
Estamos a traballar máis rápido cos nosos aliados para proporcionar
alimentación e coidado urxente para protexer as vidas destes nenos
e reforzar a súa resistencia ante enfermidades, especialmente
aquelas que se transmiten pola auga, durante a próxima tempada de
chuvias monzónicas.
"
UNICEF está
a traballar con aliados nacionais e internacionais
e co goberno de Nepal para dar unha resposta nutricional ampla, que
inclúa:
- Protección e promoción da lactación materna para nenos menores de dous anos -unha intervención vital-.
- Proporcionar suplementos de micronutrientes esenciais para máis de 120.000 nenos e asesorar as nais e familias sobre como alimentar os nenos coa comida familiar.
- Apoiar a avaliación das comunidades para identificar os nenos con desnutrición severa aguda nos distritos afectados.
- Distribuír alimentos terapéuticos especializados listos para o seu consumo para tratar máis de 3.000 nenos con desnutrición severa aguda.
- Traballar a través de Radio Nepal e 111 emisoras locais e privadas para proporcionar información vital sobre nutrición materna e infantil a 380.000 familias.
- Lanzar unha campaña semanal cara a mediados de xuño, antes das chuvias do monzón, para proporcionar un paquete de seis intervencións nutricionais -que inclúen suplementos de vitamina A e profilaxe para desparasitar-para máis de 350.000 nenos.
En case dúas decenas de distritos afectados polo terremoto 1,7
millóns de nenos continúan necesitando axuda humanitaria de xeito
urxente - co risco de que aumenten os problemas físicos e
emocionais a longo prazo.
"Xa estamos a ver un aumento das enfermidades crónicas -como nenos
con infeccións respiratorias causadas polo po dos entullos nas
cidades e pobos", di Tomoo
Hozumi.
"Os nenos tamén vivirán con minusvalideces a longo prazo como
resultado das feridas sufridas no terremoto, así como con problemas
de ansiedade".
Durante este mes, UNICEF activou
unha importante resposta de axuda para os nenos con necesidades
urxentes, como:
- Proporcionou auga potable para 305.109 persoas e un saneamento axeitado e instalacións para o lavado de mans a 45.201 persoas.
- 10.000 nenos nas comunidades desprazadas teñen acceso aos espazos amigos da infancia.
- Preto de 9.000 nenos e máis de 2.000 pais recibiron axuda psicosocial de emerxencia.
- Máis de 3.000 nenos de entre 6 e 59 meses foron vacinados contra o sarampelo e a rubeola nunha campaña que continúa nos distritos máis afectados.
"Fíxose moito, pero aínda hai necesidades urxentes", di Hozumi.
"O camiño á recuperación de Nepal pode ser longo e desafiante,
pero UNICEF estará
alí, sen importar o tempo que leve a recuperación dos nenos de
Nepal cara a un futuro mellor e máis
brillante,".
"Necesitamos todo o apoio posible, xa que o apoio que estamos a dar
agora terá consecuencias a longo prazo para as xeracións
vindeiras,".
Para acceder a vídeos e fotos:
ftp://video.unicef.es/terremoto_Nepal
Usuario: Refcom
Contrasinal: uce442087
Para máis información e contribuir ao traballo de UNICEF nesta emerxencia:
https://www.unicef.es/terremoto-nepal
Caixabank | ES39 | 2100 | 5731 | 70 | 0200005001 | |
BBVA | ES65 | 0182 | 2370 | 41 | 0010033337 | |
Santander | ES51 | 0030 | 8301 | 77 | 0000304271 | |
ING Direct | ES98 | 1465 | 0100 | 95 | 6000000000 |
A través do teléfono móbil www.unicef.es/38080