Terremoto en Nepal: educación para case 1 millón de nenos en risco
Polo menos 950.000 nenos en Nepal non poderán volver ao colexio se non se toman medidas urxentes para proporcionar espazos de aprendizaxe temporais e para reparar os colexios danados polo terremoto, segundo UNICEF. Case 24.000 aulas víronse danadas ou destruídas polo terremoto de magnitude 7,8 que golpeou o país hai 12 días, e moitas sufriron máis danos nas réplicas posteriores.
Espérase que a magnitude da crise de educación aumente nos próximos
días e semanas, segundo vaia chegando a información das áreas
remotas. As escolas deberían reabrir o 15 de maio.
"Case un millón de nenos que estaban matriculados no colexio antes
do terremoto, poderían encontrarse agora con que non teñen unha
escola á que volver", di Tomoo
Hozumi,
representante deUNICEF en
Nepal.
"Os nenos afectados polo terremoto necesitan urxentemente
asistencia fundamental como auga potable e refuxio, pero nas
emerxencias as escolas -mesmo en instalacións temporais- tamén
xogan un papel vital. Minimizan a interrupción da educación dos
nenos, protéxeos da explotación e o abuso, e proporciónalles
información para manterse seguros e sans. Ir ao colexio tamén
permite aos nenos recuperar unha sensación de rutina que lles axuda
a aceptar o que sufriron".
Estímase que nos distritos de Gorkha, Sindhupalchok e Nuwakot,
gravemente afectados, máis do 90% das escolas foron destruídas,
mentres que o 80% dos edificios escolares
de Dhading se
derrubaron. Nalgunhas áreas como Katmandu
e Bhaktapur,
aproximadamente nove de cada dez colexios que sobreviviron ao
terremoto se han utilizados como refuxios de
emerxencia.
A UNICEF preocúpalle
que os grandes avances
dos últimos 25 anos en Nepal, como o aumento da taxa de
matriculación na escola primaria dun 64% en 1990 ao 95% actual,
poidan sufrir un serio revés como consecuencia do
terremoto.
As altas taxas de abandono xa eran unha gran preocupación. Ao redor
de 1,2 millóns de nenos de entre 5 e 16 anos nunca foron á escola
ou abandonárona. A experiencia de UNICEF mostra
que cando os nenos deixan de ir ao colexio durante longos períodos,
incluídas as emerxencias, é menos probable que volvan algunha vez
ás aulas.
"Hai unha necesidade desesperada de instalar espazos de aprendizaxe
alternativos, avaliar e reparar edificios e organizar unha campaña
para animar as familias a enviar aos seus fillos de volta
ao cole e
aos xardíns de infancia", di Hozumi.
"Unha interrupción prolongada da educación pode ser desvastadora
para o desenvolvemento dos nenos e as súas perspectivas de
futuro".
UNICEF e
os seus aliados están a facer todo o posible para que os nenos
volvan a clase canto antes. Isto inclúe o establecemento de espazos
amigos da infancia e de espazos temporais de aprendizaxe en 14
distritos afectados polo terremoto. Ademais empezouse a traballar
para establecer un sistema de avaliación das estruturas e
seguridade dos colexios que seguen en pé,
mentres UNICEF está
a apoiar o goberno na preparación dunhas directrices acerca do uso
de escolas como refuxio durante as emerxencias.
UNICEF lanzou
un chamamento por valor de 50 millóns de dólares(45,6 millóns de euros) para apoiar a súa resposta humanitaria ao
terremoto en Nepal durante os próximos tres meses, como parte dun
chamamento máis amplo de varias axencias.
Para acceder a vídeos e fotos:
ftp://video.unicef.es/terremoto_Nepal
Usuario: Refcom
Contrasinal: uce442087
Para máis información e contribuir ao traballo de UNICEF nesta emerxencia:
https://www.unicef.es/terremoto-nepal
Caixabank | ES39 | 2100 | 5731 | 70 | 0200005001 | |
BBVA | ES65 | 0182 | 2370 | 41 | 0010033337 | |
Santander | ES51 | 0030 | 8301 | 77 | 0000304271 | |
ING Direct | ES98 | 1465 | 0100 | 95 | 6000000000 |
A través do teléfono móbil www.unicef.es/38080