Siria: declaración de Anthony Lake, director executivo de UNICEF, sobre os ataques contra nenos en hospitais
"En UNICEF estamos consternados polos ataques a catro hospitais en Siria - dous dos cales contaban con apoio de UNICEF. Un é un hospital materno infantil no que morreron cinco nenos e decenas foron evacuados.
Dous dos ataques tiveron lugar en
Azaz, Alepo, e outros dous en Idlib, onde un dos hospitais sería
atacado catro veces. Ademais, informouse de que outras dúas escolas
foron bombardeadas en Azaz, onde morrerían seis nenos.
UNICEF está a tratar de obter
máis información urxentemente.
Un terzo dos hospitais e un
cuarto das escolas en Siria - 5000- xa non están en
funcionamento.
Ademais de atender ás
consideracións diplomáticas e obrigacións baixo o Dereito
Internacional Humanitario, non podemos esquecer que estas vítimas
son nenos. Nenos".