Preto de 1 millón de nenos necesita axuda humanitaria no nordés de Sirya
UNICEF enviou 43 camións con subministracións para 2,3 millóns de persoasUNICEF completou a entrega de 43 camións con subministracións humanitarias moi necesarias en Qamishli, no nordés de Sirya.
UNICEF completou
a entrega de 43 camións con subministracións humanitarias moi
necesarias en Qamishli,
no nordés de Sirya.
Os camións cruzaron hai uns días o punto fronteirizo
de Nusyabin,
en Turquía, e chegarán a 2,3 millóns de persoas que o
necesitan.
"A entrega desta axuda humanitaria tan necesaria chega nun momento
crítico, xa que o acceso en toda Sirya se está a converter nun reto
para UNICEF e
outros actores humanitarios", dixo Hanaa
Singer,
representante de UNICEF en
Sirya.
O envío inclúe produtos para tratar a auga, kits de hixiene e para
bebés, comprimidos para purificar a auga, deterxente e xabón,
medicamentos básicos para tratar a diarrea e kits para asistir
partos.
A axuda dirixirase aos desprazados que recentemente buscaron
refuxio nesa zona fuxindo da violencia da cidade
de Al-Hassakeh,Tal
Abyad,
as áreas rurais de Deir
Az-Zour,
Damasco Rural e Homs.
UNICEF estima
que ao redor de 1 millón de nenos necesitan axuda humanitaria no
nordés de Sirya. Ao longo de todo o país máis de 5,6 millóns de
nenos de Sirya teñen necesidades urxentes, incluíndo os 2 millóns
que viven en áreas difíciles de alcanzar ou cun acceso limitado ou
inexistente á axuda humanitaria.
"Este é un avance significativo pero dende logo non é suficiente, e
necesitaremos máis para chegar a todos os nenos afectados polo
conflito en todo o país, especialmente aqueles que viven en áreas
difíciles de alcanzar," engadiu Singer.