A pobreza infantil chega ao pleno do Congreso dos Deputados a través dunha proposta conxunta de todos os grupos
Unha Proposición non de Lei que se debaterá o próximo 19 de xuño, formula que a loita contra a pobreza infantil se converta en asunto prioritario na presente lexislatura. Un informe presentada por UNICEF España o pasado 21 de maio pon de relevo que por primeira vez os nenos son o colectivo máis empobrecido no noso paísA Mesa do Congreso dos Deputados admitiu a trámite por unanimidade unha Proposición non de Lei (PNL) presentada polos grupos de PP, PSOE, CiU, Esquerda Plural UPyD, EAJ-PNV e o Grupo Mixto, pola que o Congreso "se compromete a facer do combate contra a pobreza na infancia un asunto prioritario na presente lexislatura". A iniciativa será debatida no pleno do Congreso o próximo 19 de xuño, case un mes despois de que UNICEF España presentase o seu informe sobre o impacto da crise na infancia, que revela que máis do 26% da poboación infantil vive por debaixo do albor da pobreza.
O texto da PNL insta ao Goberno a impulsar e definir a través do Plan Nacional de Acción para a Inclusión Social (PNAIN) 2013/2015 unha folla de ruta "que articule unha estratexia de protección á familia e infancia, promovendo medidas e metas para reducir a pobreza infantil e en favor da inclusión social".
A proposición, presentada conxuntamente por todos os
grupos parlamentarios, tamén reclama que se elabore o Informe
Social Nacional solicitado pola Comisión Europea no marco da
Estratexia 2020, "incluíndo neste a redución da pobreza infantil
como un dos obxectivos prioritarios".
Por último, o terceiro punto da PNL insta o Goberno a "promover a calidade, a coordinación, a eficacia e a coherencia da intervención das diferentes administracións públicas en relación coa infancia, especialmente na loita contra a pobreza infantil,".
A Proposición recolle cuestións básicas propostas no informe Infancia en España: o impacto da crise nos nenos, presentado a finais de maio por UNICEFEspaña e no que se recompilan datos que revelan que por primeira vez os nenos son o colectivo máis pobre no noso país.
A Presidenta de UNICEFEspaña, Consuelo Crespo, destacou "a grande importancia de que esta proposición se presentase de xeito conxunto por todos os grupos parlamentarios, xa que a infancia debe ser un compromiso de todos por enriba de calquera diferenza, e é momento de orientar a mirada das grandes decisións cara ao que agora é o colectivo máis empobrecido de España".
2,2 millóns de nenos por debaixo do albor da pobreza
En España, case 2.200.000 nenos viven por debaixo do albor da pobreza, sendo o colectivo máis afectado pola crise económica, segundo recolle o mencionado informe de UNICEF España. A pobreza infantil, estabilizada durante anos en torno ao 24% da poboación menor de idade, superou o 26%, unha porcentaxe que está case cinco puntos por enriba da media nacional en 2011 e que nunca se alcanzara para esta franxa de idade dende que existe a Enquisa de Condicións de Vida (2004).
A experiencia de UNICEFdemostra que países de distintas rexións do mundo que en situacións difíciles fixeron un esforzo por aplicar medidas con 'rostro humano', protexendo os recursos dedicados ás familias e os nenos, tiveron unha saída mellor e máis sostible á crise.
Por este motivo, UNICEFEspaña formula no seu informe que se fai imprescindible mirar máis alá do curto prazo, analizando detidamente o posible impacto presente e futuro das decisións que tomen en cada momento. Ademais de protexer o investimento na infancia, UNICEF avoga por unha mellora da calidade, a eficiencia e a coordinación das políticas destinadas á infancia.
A protección da igualdade de oportunidades para a infancia é unha cuestión de ética e xustiza, pero ademais é unha aposta estratéxica e transformadora, beneficiosa para o desenvolvemento sostible da sociedade. Pola contra, o custo de non actuar pode ter consecuencias irreversibles a medio e longo prazo.
Por estas razóns, UNICEF España propón no seu informe as seguintes medidas básicas:
- Protexer os investimentos destinados á
infancia.
- Poñer os nenos e as súas familias no núcleo das decisións
políticas.
- Mellorar a coordinación, a eficacia e a coherencia na xestión da
saúde, a educación, a protección da infancia e a loita contra a
pobreza.
- Elaborar un Plan Nacional contra a Pobreza Infantil, tal e como
recomendou en 2010 o Comité dos Dereitos do Neno e foi recollido
nos programas electorais dos principais partidos nas pasadas
eleccións.
1 Pobreza relativa ou por debaixo do albor da pobreza: por debaixo do 60% da mediana dos ingresos anuais por fogar.
Descargar o
informe completo:
http://www.unicef.es/actualidad-documentacion/publicaciones/la-infancia-en-espana-2012-2013