Os conflitos e a inestabilidade provocan o desarraigamento de 4,5 millóns de nenos en cinco países
Os conflitos e a inestabilidade en cinco países provocaron o desarraigamento de, polo menos, 4,5 millóns de nenos, segundo dixo UNICEF no marco da reunión de alto nivel da ONU sobre a crise global de migrantes e refuxiados.
"As desgarradoras imaxes
contribuíron a levar a atención dos cidadáns ao destino dos nenos
atrapados na crise europea de refuxiados, pero o asunto vai máis
aló das fronteiras de Europa", dixo Afshan Khan, director de
programas de emerxencia de UNICEF. "O mundo afronta a maior crise
de refuxiados desde a II Guerra Mundial, con millóns de familias
que se viron forzadas a fuxir dos seus fogares debido ao conflito e
a persecución en países como Afganistán, Somalia, Sudán do Sur,
Sudán ou Siria".
Desde principios de ano, máis de
medio millón de persoas cruzaron o Mediterráneo cara a Europa.
Aproximadamente a quinta parte de quen chegaron a Europa son
nenos.
Mentres a situación en Europa
captou a atención do mundo, millóns de refuxiados máis continúan en
tránsito:
· En Sirya, o brutal conflito -que entra no seu quinto ano- forzou a máis de 4 millóns de persoas a fuxir a campos de refuxiados, aloxamentos improvisados e comunidades de acollida desbordadas en Xordania, Iraq, Líbano e Turquía.
·
Máis de 2,6 millóns de persoas deixaron Afganistán. O país ocupa o
segundo lugar en procedencia de refuxiados.
· En
Somalia o conflito, a inestabilidade e a fame negra empuxaron a
preto de 1 millón de persoas -a metade deles nenos- a saír do
país.
·
Preto de 666.000 persoas fuxiron do conflito en Sudán.
·
Unhas 760.000 persoas, dous terzos delas nenos, fuxiron de Sudán do
Sur desde que estalou o conflito en decembro de 2013.
Os nenos dos países en conflito
están ameazados a diario. Sofren o risco de secuestros, mutilación,
recrutamento e morte. A súa viaxe cara á seguridade está infestado
de perigos. Tanto se foxen por mar como por estrada, están a miúdo
a mercé dos traficantes e teñen que cargar co peso físico e
psicolóxico da guerra, o desprazamento e as hostilidades.
Os millóns de nenos afectados
pola migración e os desprazamentos forzosos necesitan respostas
integrais, conxuntas e sustentables.
UNICEF mantén o seu compromiso
para proporcionar apoio vital aos nenos na súa viaxe en busca dun
futuro máis seguro, e nos seus países de orixe:
·
En Sirya, por exemplo, UNICEF está a contribuír a
proporcionar servizos de auga e saneamento, manter aos nenos na
escola e levar a cabo campañas de vacinación.
· Na
ruta cara a Europa, UNICEF estableceu espazos amigos da infancia e
continúa traballando cos países de acollida para priorizar o
interese superior do neno.
· Nos
países en desenvolvemento non afectados por un conflito, UNICEF
apoia programas para abordar as causas subxacentes da pobreza e a
falta de oportunidades.
Para descargar fotos e vídeos:
ftp://video.unicef.es/crisis_mediterraneo/
Usuario: Refcom
Contrasinal: uce442087