O futbolista Pepe Reina pon voz a A gota de Cucho
Esta historia interactiva para Smartphones e tablets pretende concienciar sobre a importancia do acceso á auga potableUNICEF e o futbolista Pepe Reina lanzaron hoxe La gota de Cucho, unha historia interactiva, que pretende concienciar aos nenos sobre a importancia da auga potable e as dificultades que atravesan millóns de persoas para poder obtela. O conto está narrado polo propio xogador en español e inglés, e inclúe gráficos, música, efectos sonoros e varias sorpresas interactivas.
A idea foi desenvolvida pola empresa española PlayTales, que xa achegou as súas canles e tecnoloxía para a creación do conto Regala un día, narrado por Pau Gasol. Os dous contos pódense descargar tanto en Apple Store, a través da aplicación PlayTales para iPhone e iPad, como en Google Play para o resto de dispositivos móbiles. A gota de Cucho foi escrita porCarmen Gil e ilustrada porJacobo Muñiz. O conto narra dúas historias paralelas, as de Cucho eKía, que se desenvolven en realidades moi diferentes. A través de varias ilustracións, o conto reflicte as desigualdades existentes entre un e outro personaxe, así como a importancia da solidariedade para lograr que todos os nenos do mundo teñan acceso á auga potable. A gota de Cucho pódese descargar por 0,79 € e os fondos obtidos destinaranse ao proxecto Gotas para Níxer, o segundo país máis pobre do planeta segundo datos das Nacións Unidas. Os seus indicadores de saúde, educación, supervivencia infantil e acceso á auga potable e o saneamento están entre os peores do mundo.Gotas para Níxer
O porteiro doLiverpool e da Selección Española de Fútbol, Pepe Reina, foi imaxe da iniciativa "Gotas para Níxer" incluída no programa educativo deUNICEF Enrédate (www.enredate.org), cedendo a súa imaxe para os materiais educativos do proxecto e animando os escolares a participar en carreiras solidarias realizadas a favor dos programas de supervivencia infantil queUNICEF ten en Níxer. Con esta nova iniciativa, o xogador dá un paso máis no seu compromiso a favor dos programas do Fondo de Nacións Unidas para a Infancia, UNICEF. O lanzamento do conto interactivo coincide coa conmemoración do Día de África, unha data na que UNICEFdestaca a importancia de poñer o foco sobre os problemas de acceso a auga potable, a pobreza xeneralizada, os conflitos, oVIH/SIDA e a violencia que afecta a millóns de nenos en todo o continente, especialmente na zona doSahel, onde nestes momentos máis dun millón de nenos están en risco de morrer por desnutrición aguda grave.Para descargarse as aplicacións:
Materiais dispoñibles:
https://unicefweb.unicef.es/com/cuentointeractivo/pepereina
Usuario: Refcom
Contrasinal: uce442087