Novak Djokovic, novo Embaixador de Boa Vontade de UNICEF
UNICEF anunciou hoxe o nomeamento de Novak Djokovic como Embaixador de Boa Vontade da organización. O tenista, número un do mundo, xa demostrara o seu compromiso cos dereitos dos nenos máis vulnerables como embaixador de UNICEF Serbia e a través da súa propia Fundación Novak Djokovic.
Yoka Brandt,
directora adxunta de UNICEF,
deu o parabén aDjokovic por
este nomeamento, que tivo lugar hoxe na sede
de UNICEF en
Nova York nun acto no que tamén estivo presente o presidente do
Banco Mundial, Jim
Kim.
"Novak
Djokovic é
un auténtico defensor dos nenos en todo o mundo",
dixo Brandt.
Demostrou que unha voz potente, xunto a accións potentes, poden
marcar unha gran diferenza para os nenos, especialmente cando son
moi pequenos, engadiu.
Novak comezou
a colaborar con UNICEF en
2011, cando foi nomeado embaixador de UNICEF Serbia.
Dende entón non deixou de dar o seu apoio para mellorar a vida dos
nenos, especialmente dos máis vulnerables. Sempre mostrou un grande
interese por todo o relacionado coa educación e o desenvolvemento
na primeira infancia, o que permite que os nenos teñan un bo comezo
de vida. Para recoñecer o seu profundo compromiso cos dereitos dos
nenos, UNICEF invitouno
a converterse en Embaixador de Boa Vontade.
Existe un amplo consenso en afirmar que os nenos que reciben
coidados, protección e estimulación nos anos previos ao colexio
terán máis oportunidades para alcanzar todo o seu potencial. O
compromiso de Djokovic coa
infancia subliñará a importancia que ten enriquecer os primeiros
anos de vida dos nenos para o enfoque integral do desenvolvemento
infantil.
"É unha honra para min ser Embaixador de Boa Vontade
de UNICEF e
seguir axudando a defender e manter os dereitos dos nenos, e a
proporcionar acceso ao coidado e desenvolvemento na primeira
infancia para todos os nenos e nenas",
dixo Djokovic."Os primeiros anos de vida son cruciais. Cando os nenos reciben a
educación e os coidados adecuados na súa primeira etapa teñen máis
probabilidades de sobrevivir, de crecer de xeito san, de ter menos
enfermidades, de desenvolver capacidades de pensamento,
lingüísticas, emocionais e sociais, e de converterse en cidadáns de
éxito na nosa sociedade,".
"Teño o compromiso de axudar a UNICEF a
proporcionar coidados e desenvolvemento de calidade na primeira
infancia, especialmente aos nenos máis vulnerables, e poder
axudalos a construír un futuro mellor para eles mesmos, para as
súas familias e para as súas comunidades",
engadiu.
Novak xa
logrou influír positivamente na vida de moitos nenos, non só como
un gran modelo a seguir, senón como un importante defensor dos seus
dereitos. Como embaixador de UNICEF Serbia visitou
moitas gardarías e escolas infantís dese país para ser testemuña da
importancia de investir na aprendizaxe na primeira infancia. O seu
apoio e o da Fundación Novak
Djokovic serviron
para crear programas de educación preescolar máis flexibles,
inclusivos e de calidade para algúns dos nenos máis vulnerables
de Serbia.
Entre as outras moitas accións para os
nenos, Novak apoiou
a mellora dos programas preescolares en Serbia.
A Fundación Novak
Djokovic tamén
financiou un innovador servizo de UNICEF Serbia cuxo
obxectivo era conectar con familias de zonas urbanas. Tivo tanto
éxito que agora está integrado no sistema de protección infantil
serbio. Durante as inundacións nos Balcáns en
2014, Novak realizou
doazóns a UNICEF para
colaborar na resposta de emerxencia. Ademais, xunto
a UNIQLO,
un dos seus patrocinadores oficiais, Novak apoiou
a iniciativa de 'Escolas para Asia' en Bangla Desh, China e
Filipinas, así como proxectos de inclusión social e de redución da
pobreza en Serbia.
Novak tamén
asinou hoxe un convenio entre o Banco Mundial e a
Fundación Novak
Djokovic,
que establece como ambas as dúas institucións poden colaborar máis
estreitamente na promoción do desenvolvemento na primeira
infancia. UNICEF e
a Fundación colaboran para proporcionar coidados na primeira
infancia a todos os nenos de Serbia e
as súas familias, e a incorporación dos recursos do Banco Mundial
permitirá chegar aínda máis aos nenos máis desfavorecidos en todo o
mundo.
O recén nomeado Embaixador de Boa Vontade
de UNICEF é
un dos mellores tenistas que xamais pisasen unha pista de tenis.
Ata a data Djokovic gañou
un total de 54 títulos, incluíndo 9 Grand
Slams,e foi medallista nos Xogos Olímpicos de Beijing de 2008.
Djokovic uniuse hoxe a outros comprometidos Embaixadores de Boa Vontade que forman ou formaron parte de UNICEF, como Danny Kaye, Audrey Hepburn, David Beckham, Harry Belafonte, OrlandoBloom, Katy Perry, Sir Roger Moore, Shakira, Maxim Vengerov ou Serena Williams,entre outros.
Para descargar materiais sobre o nomeamento: