As nenas dedican 160 millóns de horas máis que os nenos, cada día, ás tarefas do fogar
As nenas de entre 5 e 14 anos dedican un 40% máis de tempo, o que supón 160 millóns de horas ao día, que os nenos do seu mesma idade a tarefas do fogar non remuneradas e a ir buscar auga ou leña. É unha das conclusións do informe que lanzará UNICEF o próximo 11 de outubro, Día Internacional da Nena.
Aproveitando o Poder dos
Datos para as Nenas: balance e perspectivas para o 2030 inclúe
a primeira estimación global do tempo que as nenas dedican ás
tarefas domésticas como cociñar, limpar, coidar a membros da
familia ou ir recoller auga e leña.
Os datos mostran que a
desproporción na repartición da carga das tarefas domésticas empeza
pronto, cando as nenas teñen entre 5 e 9 anos e dedican un 30% máis
de tempo, 40 millóns de horas máis ao día que os nenos a tarefas do
fogar. As cifras crecen a medida que as nenas se fan maiores, cando
cumpren entre 10 e 14 anos dedícanlle un 50% máis, o que supón 120
millóns de horas máis cada día.
"A sobrecarga de traballo
doméstico non remunerado empeza na primeira infancia e
intensifícase cando as nenas chegan á adolescencia", afirma a
asesora de xénero de UNICEF Anju Malhotra. "Como resultado disto,
as nenas sacrifican oportunidades importantes de aprendizaxe,
crecemento, e simplemente de goce da súa infancia. Esta
distribución desigual dos labores entre nenos e nenas perpetúa os
estereotipos de xénero e a dobre carga sobre as mulleres e as nenas
de xeración en xeración".
O informe sinala que o traballo
das nenas é menos visible e a miúdo infravalorado. Con demasiada
frecuencia as responsabilidades dos adultos, como o coidado de
membros da familia, incluíndo o doutros nenos, son impostas ás
nenas. O tempo que dedican a estes labores limita o tempo que teñen
as nenas para xogar, pasar tempo con amigos, estudar ou
sinxelamente ser nenas. Nalgúns países, ir recoller a leña ou a
auga ponas en risco de sufrir violencia sexual.
O informe ofrece ademais os
seguintes datos:
- As nenas de
entre 10 e 14 anos no sur de Asia e Oriente Medio, e o Norte de
África dedican case o dobre de tempo ás tarefas domésticas que os
nenos.
- Os países
nos que as nenas de entre 10 e 14 anos soportan a carga máis
desproporcionada de tarefas domésticas en comparación cos nenos
son: Burkina Faso, Iemen e Somalia.
- As nenas de
entre 10 e 14 anos en Somalia son as que dedican maior cantidade de
tempo ás tarefas domésticas: 26 horas cada semana.
"Cuantificar o desafío que
enfrontan as nenas é o primeiro paso crítico cara ao logro do
Obxectivo de Desenvolvemento Sustentable na igualdade de xénero, e
romper as barreiras que enfrontan 1.100 millóns de nenas no mundo",
dixo o xefe da sección de análise e datos de UNICEF, Attila
Hancioglu.
O informe Aproveitando o Poder
dos Datos para as Nenas: balance e perspectivas para o 2030 sinala
que os datos para as dúas terceiras partes dos 44 indicadores
relativos ás nenas nos Obxectivos de Desenvolvemento Sustentable
(ODS), a guía mundial para terminar coa pobreza, protexer o planeta
e lograr prosperidade para todos, son limitados ou pobres. Xunto
coas tarefas do fogar, o informe presenta datos sobre temas
relativos ás nenas abordados polos ODS, como a violencia, o
matrimonio infantil, a mutilación xenital feminina e a
educación.
Alcanzar os ODS que abordan estas
cuestións e empoderar ás nenas co coñecemento, as capacidades e
recursos que necesitan para desenvolver o seu potencial plenamente,
non é unicamente positivo para as nenas, senón que pode impulsar o
crecemento da economía, a promoción da paz e a redución da pobreza.
Acerca de UNICEF
UNICEF promove os dereitos e o
benestar de todos os nenos e nenas en todo o que facemos. Xunto aos
nosos aliados, traballamos en 190 países e territorios para
transformar este compromiso en accións prácticas, centrando
especialmente os nosos esforzos en chegar aos nenos máis
vulnerables e excluídos para o beneficio de todos os nenos, en
todas partes.
Más información:
Para máis información:
Belén de Vicente
UNICEF España, Tel: 609 160 051 / 91 378 95 55
E-mail: [email protected]