As minas terrestres e as municións sen explotar no leste de Ucraína están a producir lesións e mortes entre os nenos, segundo UNICEF
Segundo diversos informes, polo menos 109 nenos resultaron feridos e 42 teñen morto dende marzo do ano pasado a causa das minas e as municións sen explotar nas rexións de Donetsk e Luhansk, ao leste de Ucraína, dixo hoxe UNICEF.
As cifras, achegadas polo goberno, poderían non reflectir o número
real de vítimas infantís causadas polas minas terrestres e as
municións sen explotar no leste de Ucraína.
"O número de nenos mortos e mutilados polas minas e as municións
sen explotar podería ser bastante máis elevado se se inclúen as
zonas que non están controladas polo goberno",
dixo Marie-Pierre
Poirier,
Directora Rexional de UNICEF para
Europa Central e do Leste e Comunidade de Estados Independentes,
que acaba de regresar, de visitar as rexións orientais de Ucraína.
"A falta de acceso a estas zonas é un verdadeiro reto para os
axentes humanitarios sobre o terreo".
Despois dun ano de conflito, moitas comunidades no leste de Ucraína
sufriron niveis extremos de violencia, en particular debido ao uso
de armas pesadas, cuxas pegadas quedaron nas cidades e pobos
devastados. O Servizo de Emerxencias do Estado de Ucraína está a
limpar de minas e munición sen explotar as zonas controladas polo
goberno nas provincias de Donetsk e Luhansk.Ata o momento localizáronse e eliminado máis de 33.717 artefactos
explosivos. Non obstante, as familias desprazadas que regresan ás
comunidades que antes estaban en conflito seguen en risco, debido
aos materiais altamente perigosos que non se eliminaron
aínda.
Especialmente os nenos corren o risco de sufrir os efectos de
artefactos explosivos sen detonar e de minas terrestres, xa que
adoitan ter cores rechamantes e son o suficientemente pequenos como
para collelos ou xogar con eles. Os nenos poden sentirse atraídos
por eles e confundilos con xoguetes ou obxectos de valor, o que
pode rematar nunha traxedia.
UNICEF e
os seus aliados lanzaron unha campaña de educación sobre o risco
das minas nas zonas afectadas pola crise de Ucraína, co obxectivo
de proporcionar información vital sobre os riscos das minas e
explosivos a 500.000 nenos e as súas familias. A campaña inclúe
mensaxes en formato audiovisual, imprimido e dixital, así como a
formación na sensibilización sobre o risco das minas antipersoa de
100 profesores e psicólogos escolares.
"Ata agora houbo moi pouca concienciación e comprensión por parte
das comunidades sobre os perigos das minas e explosivos utilizados
no conflito", dixo Poirier.
"Por iso estamos a traballar cos nosos aliados para reforzar o
coñecemento das familias sobre as municións perigosas que quedan en
moitas comunidades onde se produciron combates, para que os nenos e
os seus pais saiban a que deben estar atentos e como poden manterse
a salvo".
Polo menos 5 millóns de persoas en Ucraína están afectadas pola
crise, incluíndo 1,7 millóns de nenos, mentres que máis de 1,1
millóns de persoas quedaron desprazadas internamente no país debido
á violencia. UNICEF fai
un chamamento por 55,8 millóns de dólares para dar resposta ás
necesidades humanitarias urxentes dos nenos e as súas
familias.
A poucos días de conmemorarse o Día Internacional de Información
sobre o Perigo das Minas e de Asistencia para as Actividades
Relativas ás Minas (4 de abril), a situación en Ucraína é un grave
recordatorio de que, a pesar dos progresos logrados na eliminación
de minas, os nenos e as comunidades continúan sendo vítimas destes
explosivos.
En 2013, o último ano no que se recolleron datos, producíronse
3.308 vítimas de minas e restos explosivos de guerra a nivel
mundial. Entre elas as 1.112 nenos, dos que 333 morreron a causa
das feridas. Houbo informes sobre vítimas infantís en varios países
en conflito como Afganistán, Sudán do Sur e Iemen.
O Tratado de Prohibición de Minas, promulgado en 1999, foi
ratificado por máis de tres cuartas partes dos países do mundo,
incluída Ucraína. O acordo prohibe a produción, almacenamento e uso
de minas terrestres antipersoa. Aínda que o tratado reduciu as
mortes en todo o mundo, as minas terrestres aínda matan ou mutilan
miles de persoas cada ano.
Para contribuir ao traballo de UNICEF en emerxencias:
https://www.unicef.es/cooperacion-internacional/donar-ong/hacer-donacion/fondo-de-emergencias
Acerca de UNICEF
UNICEF promove os dereitos e o benestar de todos os nenos e nenas en todo o que facemos. Xunto aos nosos aliados, traballamos en 190 países e territorios para transformar este compromiso en accións prácticas, centrando especialmente os nosos esforzos en chegar aos nenos máis vulnerables e excluídos para o beneficio de todos os nenos, en todas as partes.