Máis de 250.000 nenos e nenas sofren desde 2013 os efectos do conflito en Colombia, a pesar das conversacións de paz
Máis de 250.000 nenos e nenas sufriron os efectos do conflito en Colombia desde que as conversacións de paz entre o Goberno e o principal grupo da oposición armada do país (FARC-EP) comezasen fai tres anos, dixo UNICEF nun informe publicado hoxe.
A organización dedicada á
infancia dixo tamén que, durante o mesmo período, os grupos armados
non estatais utilizaron ou recrutaron a uns 1.000 nenos e nenas,
segundo datos verificados tanto a nivel nacional como polas Nacións
Unidas.
"Mentres seguen as negociacións
para poñer fin a medio século de guerra en Colombia, é crucial
conseguir que os intereses e a protección dos nenos sexan unha
prioridade", dixo Roberto De Bernardi, representante de UNICEF en
Colombia. "Ningún neno en Colombia hoxe sabe o que é vivir nun país
en paz. É tempo de pasar a páxina".
O informe, A infancia nos tempos
de guerra: Cales son as perspectivas de paz para os nenos e nenas
de Colombia?, sinala que as conversacións de paz axudaron a
mellorar a situación sobre o terreo: entre 2013 e 2015, o número de
nenos asasinados ou feridos polas minas terrestres e os artefactos
explosivos sen detonar reducíronse á metade, mentres que o número
de nenos desprazados diminuíu nun 40%.
Con todo, durante o mesmo
período, a violencia xeneralizada e a loita persistente entre os
diferentes bandos continúan poñendo en risco as vidas dos nenos.
Segundo as Nacións Unidas e os datos nacionais:
· Máis de 230.000 nenos resultaron desprazados;
·
Polo menos 75 nenos morreron e outros 180 resultaron feridos;
·
Case 130 nenos morreron ou resultaron feridos polas minas
terrestres e as municións sen explotar;
·
Polo menos 180 nenos foron vítimas de violencia sexual;
· 65
escolas resultaron danadas polos combates ou foron utilizadas para
fins militares;
·
Polo menos 10 mestres foron asasinados.
O desprazamento forzoso, a
inseguridade, o temor ao recrutamento, a ameaza da violencia social
e a presenza de minas antipersoal son a causa de que os nenos
abandonen a escola, segundo o informe. Os nenos que viven en zonas
de conflito representan o 40% do número de nenos en idade de
primaria e secundaria básicas que non van á escola.
"Mesmo se o acordo de paz
asinásese mañá, os nenos continuarían correndo o risco de sufrir
todo tipo de violacións, incluíndo o recrutamento, as minas e a
explotación sexua", dixo De Bernardi. "A menos que estes nenos
reciban a asistencia material e psicolóxica que necesitan, as
perspectivas dunha paz duradeira seguirán sendo difíciles de
alcanzar".
Ao instar as partes en conflito a
que poñan primeiro os intereses dos nenos, UNICEF fai fincapé en
que:
· Os
nenos e nenas vinculados aos grupos armados son ante todo vítimas.
Necesitan que se lles protexa, que se lles reúna coas súas familias
e que se lles ofreza o apoio que necesitan para reintegrarse á
sociedade.
· A
liberación de todos os nenos e nenas menores de 18 anos dos grupos
armados non debería supeditarse aos resultados do acordo de paz.
Non hai lugar para os nenos na guerra.
· A
menos que os nenos e nenas afectados polo conflito teñan mellores
oportunidades, a súa única esperanza para sobrevivir será unirse a
outros grupos armados non estatais.
UNICEF traballa cos seus asociados en Colombia para axudar aos nenos para adquirir aptitudes para a vida que lles protexan da violencia, para educar ás comunidades sobre as minas terrestres, e para promover a paz e a educación cívica e o acceso dos nenos á xustiza, a verdade e a reparación.
Descargar informe e materiais multimedia, aquí.