Máis de 112.000 nenos afectados polas inundacións en Myanmar
UNICEF fixo un chamamento de 9,2 millóns de dólares para facer chegar asistencia humanitaria urxente aos nenos afectados polas inundacións en Myanmar. Ata o momento, as inundacións causaron a morte de polo menos 88 persoas e afectado a máis de 330.000, das que máis de 112.000 son nenos. As necesidades máis urxentes inclúen acceso a fontes de saneamento e auga seguras e limpas, atención médica de emerxencia e apoio psicosocial para os nenos.
"Nos catro estados e rexións máis afectadas, Chin, Magway,Sagaing e Rakhine,
as inundacións afectaron aos que xa se encontraban entre os máis
vulnerables do país", dixo Shalini
Bahuguna,
representante interina de UNICEF en Myanmar.
"Hoxe estamos a enviar equipos de avaliación ás rexións
de Bago e Ayeyarwady,
que tamén se viron afectadas, de maneira que poidamos avaliar a
situación e asistir aos que máis o necesitan. "
UNICEF está
a traballar conxuntamente co Goberno para chegar a todos os nenos
afectados en Myanmar.
A organización está a apoiar os equipos de avaliación en todo o
país e enviou comprimidos de purificación de auga e outros bens
esenciais relacionados cos servizos de auga, saneamento e hixiene
(WASH),
así como subministracións para a saúde ás zonas
afectadas.
No estado de Chin,
que se viu illado do resto do país debido en gran parte aos danos
sufridos polas pontes e estradas, UNICEF apoiou
a construción de latrinas a partir de materiais de orixe local.
Moitos nenos e familias neste estado permanecen en refuxios
temporais.
Ata o momento, UNICEF:
·· Apoiado o transporte de 860.000 comprimidos de purificación de auga abastecendo 57.000 persoas durante 15 días.
· Distribuido 6.000
kits de hixiene para aproximadamente 30.000
persoas.
· Distribuido 150
kits de protección da infancia e 40 kits para os espazos amigos da
infancia
· Proporcionado sobres
de suplemento de micronutrientes para os nenos e as súas familias
no estado de Chin.
A medida que a auga vai diminuíndo nalgunhas das zonas máis
afectadas polas inundacións de Myanmar,
os primeiros labores de recuperación deben centrarse na
reconstrución das vidas devastadas de todos os nenos e familias
afectadas. Ademais de satisfacer as necesidades inmediatas das
familias, as medidas de recuperación teñen que partir dunha visión
a longo prazo para protexer os nenos máis vulnerables fronte a
crises futuras.
Myanmar é
propenso aos desastres naturais como inundacións, ciclóns e
terremotos. UNICEF está
a traballar en estreita colaboración co Goberno para fortalecer a
preparación ante o risco de desastres e a resiliencia das
comunidades, incluíndo a protección social
inclusiva.
Imos seguir apoiando os esforzos do Goberno para ampliar a
protección social a todos os nenos e as familias, e para fortalecer
a capacidade das institucións a preparase e afrontar desastres
futuros", dixo Bahuguna.