Importante repunte do número de nenos refuxiados e migrantes que viaxan por Europa
Quen son e que facemos polos máis vulnerablesUNICEF identificou cinco grupos vulnerables entre os nenos refuxiados e migrantes, que alcanzaron unha cifra marca -700 nenos ao día demandan asilo en Europa-, e está a planificar accións específicas para abordar as súas necesidades.
Dende o verán, o número de nenos
e mulleres ha ir aumentando de maneira constante, e non parece que
vaia a parar coa chegada do inverno. Non só hai un número total de
nenos solicitantes de asilo sen precedentes -214.000 entre xaneiro
e setembro deste ano, segundo os últimos datos do Eurostat- senón
tamén de nenos en tránsito. En xuño, un de cada dez refuxiados e
migrantes que se rexistrou na antiga República Iugoslava de
Macedonia tras cruzar a fronteira con Grecia a través de Gevgelija,
era un neno. En outubro, os nenos supuñan xa un de cada tres
refuxiados e migrantes rexistrados na mesma fronteira.
"Os mozos están decididos a
lograr unha vida mellor, pero o seu futuro está en xogo mentres
atravesan Europa. Non podemos decepcionarlles", dixo Marie-Pierre
Poirier, coordinadora especial de UNICEF para a crise de refuxiados
e migrantes en Europa. "A cuestión fundamental é: estamos
preparados para isto, é Europa adecuada para este propósito,
seremos capaces de dar a estes nenos o futuro polo que están a
arriscar as súas vidas?".
Só en Suecia, o número total de
nenos non acompañados que piden asilo é maior que o total do ano
pasado en toda Europa: 24.000 nenos non acompañados solicitaron
asilo alí.
O goberno, UNICEF, ACNUR, Cruz
Vermella, os traballadores humanitarios e os traballadores sociais
nacionais están a realizar as seguintes accións, que necesitan
intensificarse de maneira urxente:
- 1. Bebés e nenos pequenos- Necesítase unha rápida preparación para o inverno, para previr enfermidades e mortes; evitar cambios repentinos e impredicibles dos procedementos nas fronteiras.
- 2. Nenos con discapacidades e necesidades especiais- Tanto se son discapacidades físicas como psíquicas, estes nenos necesitan instalacións adecuadas e servizos especializados.
- 3. Nenos perdidos- Para evitar que os nenos queden separados das súas familias ou coidadores durante a viaxe, proporcionar un seguimento adecuado a través dos oficiais de protección infantil e intérpretes, e usar un código de seguimento para familias.
- 4. Nenos que quedan atrás- Os nenos que non teñen os medios económicos, contactos ou redes de apoio para conseguir o diñeiro, son presa dos traficantes e bandas criminais e están expostos á violencia, o abuso sexual e a explotación; necesitan un coidado e protección urxentes, como un titor cualificado, designado polos sistemas de benestar infantil.
- 5. Adolescentes non acompañados- Na súa maioría son mozos de entre 14 e 17 anos, moitos deles de Afganistán, que non queren ser identificados como nenos non acompañados ou separados. Que continúen a súa viaxe, e así evitar máis danos, podería atender ao seu interese superior. UNICEF avoga por medidas que aumenten a súa seguridade nos centros de aloxamento onde permanecen durante meses mentres esperan que as súas demandas de asilo sexan procesadas (baños separados, iluminación adecuada, persoal as 24 horas os 7 días da semana).
A crise de refuxiados e migrantes
é diferente a calquera outra, e expón retos únicos aos programas
para nenos e familias que están a viaxar, xa que ás veces pasan
simplemente unhas horas nos centros de tránsito. A crise implica
dificultades para quen lles están axudando na súa viaxe e
protexéndolles contra o abuso e a violación dos seus
dereitos.
"Cando os países progresan e
convértense en membros da Unión Europea cun Produto Interior Bruto
forte, créase a idea de que xa non necesitan axuda, pero a crise de
refuxiados e migrantes están a cambiar Europa e o modo no que
actuamos", dixo Marie-Pierre Poirier. "Refuxiados e migrantes,
todos os nenos necesitan protección. En UNICEF estamos preparados
para intensificar a nosa colaboración cos gobernos segundo
requírano, mentres nos adaptamos a esta crise cambiante e
impredicible".