Grande impacto do Baby Shower Mundial de Shakira e Gerard Piqué a favor de UNICEF
Os regalos para salvar vidas doados polos afeccionados e seguidores do Baby Shower Mundial que a cantante e Embaixadora de UNICEF Shakira e o famoso xogador do FC Barcelona Gerard Piqué organizaron con motivo do nacemento do seu segundo fillo serviron para recadar ata o momento case 150.000 dólares, unha cifra que segue en ascenso, dixo hoxe UNICEF.
"Gerard e
eu estamos moi felices de saber que tantos nenos se van beneficiar
da xenerosidade de todos os que participaron no movemento
do Baby
Shower Mundial -e
que conseguimos suficientes vacinas contra a polio para poder
vacinar 40.000 nenos e suficientes paquetes de comida terapéutica
para alimentar a outros 15.000- entre outras cousas que agora
chegarán aos nenos necesitados", dixo Shakira.
"O máis emocionante é que máis de 500 nais organizaron os seus
propios Baby
Showers,
que tamén serviron para axudar un número mesmo maior de nenos en
todo o mundo".
UNICEF confirmou
que os regalos dos seguidores do Baby
Shower Mundial,
que se iniciou en xaneiro, beneficiarán a decenas de miles de nenos
ao protexelos contra as enfermidades e a malnutrición e
proporcionarlles materiais esenciais para a súa
supervivencia.
Unhas 71.000 doses de vacinas contra a poliomielite e 65.000 doses
de vacinas contra o sarampelo inmunizarán os nenos pequenos contra
estas dúas enfermidades potencialmente mortais. Dende os alimentos
terapéuticos -para tratar a desnutrición grave nos nenos- ata os
colectores portátiles de vacinas para os traballadores da saúde ou
os kits de obstetricia, as doazóns continuarán beneficiando aos
nenos durante un bo tempo. Os seguidores tamén doaron centos de
mantas, que demostraron a súa eficacia en favor da supervivencia
dos recén nacidos vulnerables, ao mantelos
quentes.
Estes regalos, ademais dos kits de auga para as familias, axudarán
a evitar que os nenos sucumban ás diversas enfermidades que os
ameazan e que causaron uns 6,3 millóns de mortes infantís en
2013.
Ademais, unhas 500 persoas inscribíronse para celebrar os seus
propios Baby
Showers,
ofrecendo regalos a outros nenos en vez de recibilos para eles.
Aliados como The
Bump e Baby
List mesmo
incorporaron permanentemente os regalos de UNICEF nas
súas ofertas de rexistro.
"Esta é unha extraordinaria mostra de xenerosidade por parte
de Shakira e Gerard,
e tamén por parte dos miles de persoas que tomaron o traballo de
participar neste evento ofrecendo doazóns a outros",
dixo Shanelle
Hall,
xefe das operacións mundiais de subministración
de UNICEF,
con sede en Copenhaguen. "Poderíase dicir que este é o maior éxito
de Shakira e
o gol máis espectacular de Gerard.
Estes regalos chegarán a decenas de miles de nenos con
subministracións que cambiarán as súas vidas".
Este Baby
Shower Mundial é
o segundo da parella, que hai dous anos deu a benvida ao nacemento
do seu primeiro fillo, Milan,
cun Baby
Shower para
beneficiar aos nenos que o necesitan. Este
segundo Baby
Shower xa
superou as doazóns totais alcanzadas no anterior
esforzo.
"Aínda queda moito por facer", dixo Shakira.
"A nosa maior esperanza é que o Baby
Shower Mundial siga
avanzando e que un maior número de nais organicen os seus
propios Baby
Showers ata
que todas as nais e recén nacidos de todo o mundo poidan acceder
aos mesmos produtos vitais para gozar dunha infancia segura e
saudable".
Se desexa realizar unha doazón, ou celebrar o seu
propio Baby
Shower,
visite