Dous anos despois, o conflito en Ucraína afecta a máis de medio millón de nenos
Máis de 200.000 nenos necesitan apoio psicosocialO conflito en Ucraína afectou profundamente ás vidas de 580.000 nenos que viven en zonas non controladas polo goberno e preto da primeira liña de combate ao leste de Ucraína, segundo UNICEF. Deles 200.000, un de cada tres, necesitan apoio psicosocial.
"Dous anos de violencia,
bombardeos e medo deixaron unha pegada indeleble en miles de nenos
ao leste de Ucraína", sinalou Giovanna Barberis, representante de
UNICEF en Ucraína. "Mentres o conflito continúa, necesitamos chegar
a estes nenos urxentemente para responder as súas necesidades
físicas e psicolóxicas".
Máis de 215.000 nenos están
desprazados internamente nas zonas afectadas polo conflito. Polo
menos una de cada cinco escolas foron danadas ou destruídas. O ano
pasado, máis de 20 nenos morreron e 40 foron feridos, 28 deles por
mor de minas e artefactos explosivos. Ademais confirmouse un brote
de poliomielitis, 19 anos despois de que o país declarásese libre
desta enfermidade.
Os danos ás infraestruturas
básicas han posto en risco a subministración de auga para máis de
dous millóns de persoas en primeira liña.
A caída en picado das
temperaturas, a escaseza de combustible e o elevado prezo do carbón
aumentan o risco de enfermidades respiratorias nos nenos. A falta
de acceso aos servizos sanitarios e a falta de medicamentos
aumentan o risco de máis brotes de enfermidades.
"UNICEF fai un chamamento a todas
as partes do conflito en Ucraína para que garantan o acceso
humanitario sen restricións e o desprazamento seguro para axudar
aos nenos que o necesitan", dixo Giovanna Barberis.
UNICEF e os seus aliados
traballaron para proporcionar aos nenos os servizos básicos que
necesitan. Ata a data UNICEF
- Proporcionou apoio psicosocial a máis de 46.000 nenos e formado a case 5.000 profesores e psicólogos para que poidan identificar síntomas de sufrimento entre os nenos.
-
Chegou a máis de 1,6 millóns de persoas con auga potable e a
máis de 164.000 nenos e adultos con artigos esenciais de
hixiene.
-
Distribuíu kits de educación e material escolar para máis de
200.000 nenos.
-
Proporcionou información sobre os riscos das minas e
artefactos sen explotar a preto de 280.000 nenos.
-
Distribuíu fármacos antirretrovirais a 8.000 adultos e nenos
que viven con VIH en zonas non controladas polo goberno, e probas
de VIH a máis de 31.000 mulleres embarazadas.
-
Adquiriu vacinas contra a poliomielitis para 4,7 millóns de
nenos.
A comezos de ano UNICEF fixo un chamamento adicional de 54,3 millóns de dólares (49 millóns de euros) para facer fronte ás necesidades humanitarias dos nenos máis vulnerables nas zonas afectadas polo conflito.
Para descargar fotos:
Usuario: Refcom
Contrasinal: uce442087