Declaración de UNICEF sobre o secuestro de nenos en Etiopía
UNICEF condena enerxicamente o secuestro o pasado venres de aproximadamente 100 nenos ao oeste de Etiopía, durante un brutal ataque á súa comunidade por parte de agresores armados, presuntamente asaltantes de gando de Sudán do Sur. Informacións sen confirmar indican que habería nenos entre os mortos e feridos.
O noso equipo está a avaliar a
situación dos nenos afectados por este horrible acto de violencia
desenfreada, e está preparado para apoiar á comunidade.
Todo ataque a nenos, pola razón
que sexa e en calquera contexto, é unha violación de dereitos
humanos e unha agresión á nosa humanidade común. UNICEF únese ao
goberno etíope, que traballa para conseguir a liberación destes
nenos, e pide que sexan liberados de forma inminente e
incondicional e poidan reunirse coas súas familias.