Declaración de Marita Perceval, directora rexional de UNICEF para América Latina e Caribe:

Sobre o Acordo do cesamento ao lume de hostilidades bilateral e definitivo entre o Goberno de Colombia e as FARC

UNICEF celebra a firma ?onte- do Acordo bilateral e definitivo para o cesamento do lume e hostilidades e abandono de armas encamiñado a terminar co conflito armado no país, entre o Goberno de Colombia e as Forzas Armadas Revolucionarias de Colombia (FARC-EP), principal grupo armado de oposición do país.

Nos últimos 50 anos, xeracións de nenos en Colombia só coñecen a guerra. Miles de nenos e nenas foron asasinados, feridos, están orfos, foron obrigados a desprazarse, recrutados polos grupos armados, abusados sexualmente e mantidos fóra da escola.

Datos oficiais mostran que en Colombia, dos 7?7 millóns de persoas rexistradas como vítimas do conflito, 2?5 millóns, é dicir 1 de cada 3, son nenos, 2?3 millóns foron desprazados e 8.000 foron desaparecidos, segundo cifras recollidas desde 1985.

Hoxe o país está a piques de pasar a páxina dun capítulo escuro da súa historia.

UNICEF está preparado para apoiar os esforzos nacionais para axudar aos nenos afectados polo conflito e ten a esperanza de que o acordo asinado onte sexa un paso fundamental cara á paz duradeira.

Acerca de UNICEF

UNICEF promove os dereitos e o benestar de todos os nenos e nenas en todo o que facemos. Xunto aos nosos aliados, traballamos en 190 países e territorios para transformar este compromiso en accións prácticas, centrando especialmente os nosos esforzos en chegar aos nenos máis vulnerables e excluídos para o beneficio de todos os nenos, en todas partes.

Más información:

Belén de Vicente

UNICEF España, Tel: 609 160 051 / 91 378 95 55

E-mail: [email protected]

www.unicef.es

Síguenos en Facebook Twitter Youtube Instagram

@unicef_es