"UNICEF celebra que esta semana se permitiu o acceso aos nenos atrapados na cidade asediada de Madaya. Durante a nosa participación este xoves na segunda misión humanitaria conxunta de Nacións Unidas, a Media Lúa Vermella Árabe Siria (SARC, polas súas siglas en inglés) e o Comité Internacional da Cruz Vermella (CICR), puidemos confirmar casos de nenos con desnutrición grave[i].
O equipo de UNICEF sentiu
especialmente entristecido e impresionado ao ser testemuña da morte
de Ali, un mozo de 16 anos gravemente desnutrido que morreu ante os
nosos ollos na clínica da cidade.
No hospital provisional que
visitou UNICEF había só dous médicos e dous profesionais
sanitarios, que están desbordados. O equipo de UNICEF e o persoal
da Organización Mundial da Saúde (OMS) puido avaliar o estado
nutricional de 25 nenos menores de cinco anos, mediante a medición
do contorno do seu antebrazo; 22 deles mostraban signos de
desnutrición de moderada a grave. Todos eles están xa recibindo
tratamento na instalación sanitaria grazas ás subministracións
médicas e nutricionais especiais distribuídos o luns por Nacións
Unidas e o CICR.
O equipo examinou a outro dez
nenos de entre 6 e 18 anos, dos que seis mostraban signos de
desnutrición grave. Un mozo de 17 anos, cuxa vida corre perigo,
necesita desesperadamente ser evacuado, igual que unha muller
embarazada de nove meses con parto obstruido.
Aínda que os resultados desta
misión non constitúen unha mostra representativa e aínda non
podemos extraer conclusións sobre a situación nutricional xeneral,
si reflicten en tempo real a situación que se vive en Madaya. Os
equipos de Nacións Unidas e a SARC planean continuar a avaliación o
domingo para realizar un seguimento máis amplo.
A xente que nos atopamos en
Madaya está exhausta e é extremadamente fráxil. Os médicos están
tensos emocionalmente e esgotados mentalmente. Traballan a
contrarreloxo con recursos moi limitados para proporcionar
tratamento aos nenos e pacientes que o necesitan. É simplemente
inaceptable que isto estea a ocorrer no século XXI.
Os equipos de UNICEF e a OMS
traballaron co equipo médico para establecer un centro de
estabilización e servizos terapéuticos ambulatorios para o
tratamento da desnutrición. Os traballadores sanitarios recibiron
asesoramento para poder tratar os casos de desnutrición aguda
grave.
Aínda que estamos impresionados
pola situación en Madaya, non debemos esquecer que en Siria hai
outras 14 "Madayas". Son zonas nas que diferentes partes en
conflito están a utilizar o asedio como unha táctica de guerra,
privando aos nenos e civís inocentes do acceso a servizos e
subministracións vitais.
O xoves UNICEF, como parte do
convoi conxunto con Nacións Unidas, a SARC e o CICR, puido enviar
dez camións con subministracións para outras dúas áreas asediadas,
Foah e Kafraya, que beneficiarán a uns 6.000 nenos atrapados nesas
zonas.
UNICEF reitera o chamamento ás
partes en conflito para que levanten o asedio ás comunidades en
Siria e proporcionen un acceso humanitario ilimitado, incondicional
e continuado, que permita aos equipos avaliar as necesidades
sanitarias e nutricionais, proporcionar atención médica e
nutricional, e evacuar ás mulleres e nenos en estado
crítico".
Para acceder a fotos:
ftp://video.unicef.es/siria/madaya
Usuario: Refcom
Contrasinal: uce442087
[i]Como parte do convoi do 14 de xaneiro,
os camións de UNICEF distribuíron mantas, roupa de inverno para os
nenos, kits para tratar a diarrea, kits para matronas, e kits
sanitarios de emerxencia para 10.000 persoas. Ademais repartíronse
mochilas para 12.000 nenos e subministracións de hixiene como
deterxente en po, xabón, champú e pastillas potabilizadoras de
auga. A distribución do luns 11 de xaneiro incluíu subministracións
terapéuticas e nutricionais como micronutrientes, galletas
enerxéticas e alimento e medicación terapéuticos para tratar a
desnutrición severa e aguda.