Declaración conxunta da OMS e UNICEF sobre os feitos producidos en Paquistán

UNICEF e a OMS únense ao Goberno e ao pobo de Paquistán na condena dos atentados múltiples producidos na última semana. Os mortos e feridos, moitos deles mulleres, son algúns dos centenares de miles de heroes que traballan desinteresadamente para erradicar a poliomielite e prestar outros servizos sanitarios aos nenos de Paquistán. Este tipo de ataques privan os nenos de Paquistán do seu dereito a recibir atención sanitaria básica que salva vidas, e os pon en risco de sufrir enfermidades que poderían causar algunha minusvalidez  permanente.

En vista da situación de seguridade imperante, a OMS eUNICEF Paquistán están poñendo en marcha protocolos adicionais de seguridade para garantir a protección e seguridade dos seus traballadores implicados na loita contra a polio.UNICEF, a OMS e todos os nosos socios en Paquistán expresamos noso máis sentido pésame ás familias dos traballadores sanitarios falecidos ou que resultaron feridos. Mantemos o compromiso de apoiar o Goberno e o pobo de Paquistán nos seus esforzos por rematar coa poliomielite no país.