Cada día 8 nenos son asasinados ou mutilados en Iemen
Oito nenos son asasinados ou mutilados cada día en Iemen debido ao conflito que afecta ao país, segundo un informe de UNICEF.
Iemen: a infancia baixo ameaza revela que preto de 400
nenos morreron e máis de 600 resultaron feridos dende a
intensificación da violencia hai catro meses.
A interrupción dos servizos de saúde, o aumento das taxas de
desnutrición, o peche de escolas e un maior número de nenos
recrutados por grupos combatentes son algunhas das consecuencias do
conflito que está a arrasar o país máis pobre do mundo
árabe.
"Este conflito é unha traxedia especialmente para os nenos de
Iemen", dixo o representante de UNICEF no
país, Julien
Harneis.
"As bombas e as balas están a matar os nenos. Os que sobreviven
enfróntanse a unha crecente ameaza de enfermidade e desnutrición.
Non podemos permitir que isto continúe", engadiu.
O informe subliña que o conflito está a ser desvastador para a vida
dos nenos agora, pero que tamén terá consecuencias terribles para o
seu futuro.
Dunha poboación total de 24,41 millóns de persoas, preto de 10
millóns de nenos -o 80% da poboación menor de 18 anos- necesita
asistencia humanitaria urxente ao longo do país. Máis de 1,3
millóns de persoas víronse forzadas a abandonar as súas
casas.
Iemen: a infancia baixo ameaza resume os diferentes
aspectos da crise aos que se enfrontan os nenos:
· Polo menos 398 nenos morreron e 605 resultaron feridos dende a
intensificación do conflito en marzo.
· O número
de nenos recrutados ou utilizados no conflito duplicouse, dos 156
de 2014 aos 377 verificados ata o momento en 2015.
· 15,2 millóns de persoas carecen de acceso a atención médica
básica. Dende o 26 de marzo 900 instalacións sanitarias
pecharon.
· 1,8 millóns de nenos teñen probabilidades de sufrir algunha forma
de desnutrición de aquí a final de ano.
· 20,4 millóns de persoas necesitan asistencia para acceder a auga
potable e saneamento debido á escaseza de combustible, os danos nas
infraestruturas e a inseguridade.
· Preto de 3.600 escolas pecharon, o cal ten afectado a 1,8 millóns
de nenos.
UNICEF estivo
no centro das operacións humanitarias en Iemen dende o comezo do
conflito. O persoal que traballa en todo o país está a responder ás
necesidades básicas dos nenos proporcionándolles servizos vitais,
que inclúen a distribución de auga potable e o tratamento dos nenos
con desnutrición, diarrea, sarampelo e pneumonía.
Nos últimos seis meses o Fondo de Nacións Unidas para a Infancia
proporcionou apoio psicolóxico a máis de 150.000 nenos para superar
os horrores do conflito. Ademais, 280.000 persoas aprenderon como
actuar en caso de explosión de artefactos ou minas para evitar
sufrir feridas.
UNICEF necesita
182,6 millóns de dólares (165 millóns de euros) para atender aos
nenos e familias afectados polo conflito. Malia as tremendas
necesidades, ata a data só recibiuse o 16% do
requirido.
"Necesitamos fondos urxentemente para chegar aos nenos que o
necesitan desesperadamente", dixo Harneis.
"Non podemos quedarnos quietos e deixar que os nenos sufran as
consecuencias dunha catástrofe humanitaria". Das emerxencias ás
que UNICEF dá
resposta no mundo, Iemen é unha das que ten un maior déficit de
fondos.
UNICEF reitera
o seu chamamento a todas as partes do conflito para que respecten
os seus compromisos baixo o dereito internacional humanitario e non
teñan como obxectivo os civís e a infraestruturas vitais como as
escolas e instalacións de auga e de saúde. UNICEF recalca
de novo a urxencia de rematar o conflito dunha vez por todas.
Hoxe, 19 de agosto é o Día Mundial da Asistencia Humanitaria.
Millóns de nenos sofren as consecuencias de catástrofes naturais,
crise, conflitos armados en distintos lugares do mundo.
Para UNICEF éprioritario responder con urxencia ás necesidades inmediatas dos
nenos que viven en situacións de emerxencia proporcionando medios
para a súa protección, a súa saúde e a súa
educación.
Para acceder a vídeos e fotos:
Usuario: Refcom
Contrasinal: uce442087
Para descargar o informe:
https://www.unicef.es/actualidad-documentacion/publicaciones/yemen-la-infancia-bajo-amenaza