2 novos casos de polio no nordeste de Nixeria evidencian os riscos para os nenos en conflito
A noticia de que 2 nenos quedaron paralizados por poliovirus de tipo salvaxe pon de manifesto a urxencia de erradicar a enfermidade en áreas afectadas por conflitos, segundo UNICEF
O goberno de Nixeria e a
Organización Mundial da Saúde confirmaron un brote de poliovirus
salvaxe no estado de Borno -afectado o conflito-, onde os nenos xa
enfrontan altos niveis de risco de desnutrición. Ambos os casos
foron descubertos en áreas de Borno nas que até hai pouco, non se
podía acceder. Amplas zonas do estado continúan inaccesibles.
O último caso recoñecido de polio
en Nixeria ocorreu hai 2 anos. Grazas á masiva mobilización do
goberno, os servizos sociais de saúde e os aliados, o país até
agora atopábase no seu primeiro ano desde que fose declarado libre
de polio.
"Non podemos negar a conexión
entre o conflito e a continua ameaza da polio. Estes dous novos
casos significan que os nenos na rexión do lago Chad enfróntanse
agora a un risco particular. Cos nosos aliados, non nos deteremos
até vacinar a todos e cada un dos nenos contra a polio", afirma o
director para a erradicación da polio de UNICEF, Reza
Hossaini.
O Ministerio Federal de Saúde de
Nixeria, apoiado pola OMS, UNICEF e os aliados da Iniciativa
Mundial para a Erradicación da Poliomielitis, está a levar a cabo
unha campaña de inmunización de emerxencia, empezando polas zonas
accesibles do estado de Borno.
Nota para os editores:
UNICEF é membro da Iniciativa Mundial para a Erradicación da Poliomielitis, xunto coa OMS, Rotary International, os Centros para o Control e Prevención de Enfermidades e a Fundación de Bill e Melinda Gates. UNICEF reforza o compromiso das comunidades e a adquisición e xestión de vacinas.
Acerca de UNICEF
UNICEF promove os dereitos e o
benestar de todos os nenos e nenas en todo o que facemos. Xunto aos
nosos aliados, traballamos en 190 países e territorios para
transformar este compromiso en accións prácticas, centrando
especialmente os nosos esforzos en chegar aos nenos máis
vulnerables e excluídos para o beneficio de todos os nenos, en
todas partes.