UNICEF mostra satisfacción pola liberación de 55 nenos palestinos detidos

UNICEF mostrou hoxe a súa satisfacción pola liberación por parte do goberno israelí de 55 nenos palestinos detidos, como parte do acordo de intercambio de prisioneiros. UNICEF espera maiores progresos con respecto á súa situación.  

"Celebramos a liberación dos nenos por parte das autoridades israelís e esperamos máis avances na situación dos nenos detidos" dixo Jean Gough, Representante Especial de UNICEF nos Territorios Palestinos Ocupados. Os 55 nenos liberados teñen idades comprendidas entre os 14 e os 17 anos. O 1 de decembro, 161 palestinos menores de 18 anos permanecían detidos por Israel.