UNICEF e a Fundación Europea para a Sociedade da Información, xuntos pola infancia

UNICEF España e a Fundación Europea para a Sociedade da Información (FESI) alcanzaron un acordo de colaboración para desenvolver accións encamiñadas á protección dos dereitos da infancia.

 

En virtude deste convenio, a FESI apoiará a UNICEF España no desenvolvemento de plataformas de interacción cos nenos e a cidadanía en temas de infancia.

Así mesmo, contribuirá con programas para mellorar a transparencia e a administración interna de UNICEF.

 

A FESI colabora cos países e a sociedade europea no desenvolvemento e xestión de actuacións que contribúan a facilitar o acceso dos cidadáns ás novas tecnoloxías e a administración electrónica, así como a fomentar e favorecer a participación cidadá e a transparencia.