Terremoto en Afganistán: decenas de miles de nenos e familias afectadas en zonas de difícil acceso

As condicións extremas e a inseguridade fan que o acceso ás comunidades para entregar a axuda sexa díficil.

 

Calcúlase que a metade dos afectados polo terremoto son nenos. Polo momento, 200 persoas morreron, incluídas 12 nenas dunha escola, e aproximadamente unhas 1.000 resultaron feridas otremor de magnitude 7,5 do pasado luns. 

Desde onte, as fortes choivas e a neve están a golpear as áreas remotas e montañosas afectadas o terremoto. A comunicación é moi débil e o acceso difícil, debido á dureza do terreo e ás condicións de seguridade. 

 

"Estamos moi preocupados pola seguridade e o benestar dos nenos, que son os máis vulnerables en calquera desastre e que agora están en perigo de sucumbir ante os elementos, xa que as temperaturas caen en picado", dixo Karin Hulshof, directora rexional de UNICEF para Asia Meridional.     

 

Algunhas das zonas golpeadas polo terremoto continúan inaccesibles, mentres que gran parte do resto da rexión afectada é de difícil acceso, mesmo en circunstancias normais. 

 

O persoal de UNICEF en Afganistán e Paquistán está a traballar cos seus gobernos e está preparado para proporcionar subministracións vitais a decenas de miles de nenos afectados e as súas familias. 

 

Os servizos sanitarios, de nutrición, hixiene e educativos van estar sometidos a unha presión excepcional, o que pode pór en risco a vida de máis nenos e nenas.