Protexemos á infancia en situación de emerxencia coa axuda da Xunta de Galicia
Nestes tempos de pandemia é fundamental garantir os dereitos dos nenos e nenas máis afectados
Traballamos da man da Xunta de Galicia para atender as necesidades das poboacións afectadas polas emerxencias, impulsando o dereito a sobrevivir e a desenvolverse de todos os nenos e as nenas, sobre todo nestes momentos tan críticos de pandemia..
As necesidades humanitarias en países en guerra ou afectados por desastres naturais, impactan directamente na saúde física e mental, na educación e na protección da infancia; e se a isto engadimos a chegada dunha crise sanitaria como a que nos está deixando a COVID-19, a situación agrávase.
Moitos nenos vense afectados pola interrupción da vacinación rutineira e millóns de alumnos aínda non poden volver a clase polo peche das escolas.
Ademais, a inestabilidade económica está a alterar a prestación de servizos esenciais que fai máis difícil ás familias chegar a fin de mes, o que podería aumentar o risco de violencia doméstica e de xénero.
O obxectivo que nos marcamos para este año é chegar con axuda esencial a máis de 190 millóns de nenos e nenas en 149 países.
E xa estamos a traballar xuntos para conseguilo!
Desde UNICEF, temos previsto para 2021:
- Tratar contra a desnutrición aguda grave a 6,3 millóns de nenos e nenas.
- Vacinar contra o sarampelo a 27,4 millóns de nenos.
- Dar acceso a auga potable para beber, cociñar e aseo a 45 millóns de persoas.
- Proporcionar acceso a servizos de saúde mental e apoio psicosocial a 19,2 millóns de nenos e os seus coidadores.
- Dar a 17 millóns de nenos e mulleres apoio relacionado coa violencia de xénero.
- Apoiar a 93,3 millóns de nenos con educación formal ou informal, incluíndo educación temperá.
- Entregar axuda en efectivo a 9,6 millóns de fogares.