Pau Gasol: a guerra non é lugar para os nenos

Puidemos ver en Iraq nenos e familias que fuxiron do seu país deixándoo todo atrás, nenos traumatizados pola guerra, polo que viron, nenos aos que lles está a custar levar unha vida normal", conta Pau Gasol ao seu regreso de Iraq onde visitou un campo de refuxiados sirios.

O bicampión da NBA e embaixador de UNICEF Comité Español dende 2003, regresou hoxe do campo de refuxiados de Domiz, en Iraq, que acolle máis de 45.000 refuxiados sirios que chegaron ata aquí fuxindo do conflito que sofre o seu país.

 
"Foi unha experiencia intensa. Foi unha situación que nunca vivira como embaixador, pero á vez resultou moi reconfortante tras ver o labor de campo que están a facer os traballadores de UNICEF", comentouPau.

Iraq é un dos países que máis refuxiados sirios acolle, uns 160.000, que chegan tras percorrer moitos quilómetros a pé ou en camións e autobuses das axencias internacionais, ás veces sen auga nin comida, nin equipaxe ou diñeiro, só, co posto.

Segundo Nacións Unidas,máis de 1,7 millóns de persoas fuxiron da guerra de Sirya a países veciños, o que fai que esteamos antea maior crise de refuxiados dende a traxedia de Ruanda.
"o que experimentas cando axudas a un  neno é inigualable"
Pau Gasol coñeceu de primeira man asconsecuencias desta crise para os nenos e como otraballo de UNICEF e os seus aliados consegue salvar vidas, protexer[] aos nenos e lograr que poidan volver á escola.
 
Nesta viaxe, o xogador coñeceu directamente nenos que fuxiron dunha traxedia e que agora dependen da axuda humanitaria. Un deses nenos é Suliman, que dixo:"en Sirya destruíron as nosas tendas...quero que remate a guerra e volver á casa, e que os meus irmáns e eu poidamos volver á escola".

O traballo deUNICEF con estes nenos céntrase en darlles acceso a servizos sociais básicos de saúde, educación e protección, apoiándoos para que logren superar o que lles tocou vivir. Hai máis de catro millóns de nenos afectados polo conflito.

"Resulta moi impresionante saber que hai centos de miles de nenos nestas circunstancias, a guerra non é lugar para eles: violencia, destrución e falta de servizos básicos que necesitan para crecer e desenvolverse, sinalou o embaixador de UNICEF ComitéEspañol, quen engadiu: "O que experimentas cando axudas a un neno é inigualable. Todo isto axúdache a poñer as cousas en perspectiva. Que te lesións ou non, que me traspasen ou non é unha nimiedade".
 
A AXUDA SEGUE SENDO NECESARIA
 
Como resultado do traballo de UNICEF, conseguiuse, entre outros logros, que 10 millóns de persoas teñan acceso a auga potable en Sirya epaísesveciños, que
máis de 1,9 millóns de nenos fosen vacinados contra o sarampelo e que preto de 260.000 teñan acceso a educación. Como indicou Pau Gasol "é un traballo inmenso e á vista están os resultados, pero non debemos esquecer que as necesidades crecen e se prolongan no tempo, así que a axuda segue facendo falta,".
 
E é que o ritmo de aumento dos afectados e a escaseza de fondos están a poñer en risco a continuidade do traballo deUNICEF. Neste sentido, Consolo Crespo, Presidenta de UNICEF Comité Español, dixo na rolda de prensa que "como en todas as emerxencias, empezamos a traballar con rapidez grazas aos nosos recursos regulares, que veñen das achegas dos nosos socios, gobernos e aliados, pero nunha crise prolongada e crecente como esta, non podemos garantir todo o traballo só con eses recursos".

Para que UNICEF poida seguir traballando nesta emerxencia humanitaria no que queda deste ano, son necesarios 355 millóns de euros, pero ata o momento só se recibiu o 54% dos fondos necesarios.
 
Consuelo Crespoquixo agradecer aPau Gasol especialmente esta viaxe "porque, aínda que xa é o quinto que fai con UNICEF, estamos ante unha situación humanitaria practicamente descoñecida para a opinión pública". "É un embaixador excepcional para nós. Estamos ante unha das maiores traxedias que se recordan en 20 anos, parecida á de Ruanda, pero é unha traxedia que está a acontecer oculta. Estanos a custar moito máis recadar fondos que noutras ocasións"

Consuelo Crespo tamén expresou o agradecemento da organización aos miles de persoas, socios, doadores, administracións públicas, empresas e outras entidades que contribuíron ao traballo de UNICEF nesta crise humanitaria.
 

Se non chega a axuda suficiente, só en Iraq este ano 30.000 nenos poderían deixar de ter acceso a auga, servizos de saneamento e hixiene; uns 17.000 non terán acceso a axuda psicosocial, e miles de nenos non poderán ir ás escolas que instalaUNICEF.


Calquera persoa pode colaborar enviando unha mensaxe de texto coa palabra UNICEF ao 28028, ou realizando a súa contribución a través da web:www.unicef.es/siria

 
 
Nota: ** O custo íntegro para usuarios de Movistar, Vodafone eOrange é de 1,20 euros e irá integramente a UNICEF. Resto, consulte co seu operador, custo máximo 1,45 euros, contribución máxima aUNICEF 1,20 euros. Número curto sen fins comerciais. Operado por UNICEFn.atn.clte: 902080900 unicef.es. Información legal e protección de datos: unicef.es