Nenos en conflitos: novos casos de polio en Nixeria

Dous novos casos de polio no noroeste de Nixeria evidencian os riscos para os nenos en conflito e pon de manifesto a urxencia de erradicar a enfermidade en áreas afectadas por guerras e casos de violencia.

 

O goberno de Nixeria e a Organización Mundial da Saúde confirmaron un brote de poliovirus salvaxe no estado de Borno -afectado o conflito-, onde os nenos xa enfrontan altos niveis de risco de desnutrición. Ambos os casos foron descubertos en áreas de Borno nas que até hai pouco, non se podía acceder. 

 

O último caso recoñecido de polio en Nixeria ocorreu hai 2 anos, por iso, Reza Hossaini, o noso director para a erradicación da polio, asegura que "non podemos negar a conexión entre o conflito e a continua ameaza da enfermidade. Estes dous novos casos significan que os nenos na rexión do lago Chad enfróntanse agora a un risco particular". "Non nos deteremos ata vacinar a todos e cada un dos nenos contra a polio", engade.

 

O Ministerio Federal de Saúde de Nixeria, apoiado pola OMS, UNICEF e os aliados da Iniciativa Mundial para a Erradicación da Poliomielitis, estamos a levar a cabo unha campaña de inmunización de emerxencia, empezando polas zonas accesibles do estado de Borno.