Furacán Matthew: máis de 4 millóns de nenos en risco en Haití

"Esta é a peor tormenta queHaití viu en décadas. Os danos serán importantes", afirmaba Marc Vincent, representante de UNICEF enHaití. "As enfermidades transmitidas pola auga son a primeira ameaza para os nenos nestas situacións, a nosa primeira prioridade é asegurar que os nenos teñen suficiente auga potable".

 

Fortes ventos e augas torrenciais golpean a illa, aumentando o risco de inundacións e deslizamientos de terra. O aeroporto permanece pechado e pediuse que os nenos queden en casa sen ir ao colexio, especialmente desde que moitas escolas están a ser usadas como refuxios de evacuación.    

 

Haití está aínda recuperándose do terremoto de 2010, no que morreron 200.000 persoas. Desde entón, unhas55.000 persoas aínda viven en refuxios. Acosta sur, onde se espera que a tormenta golpee con máis forza, é unha das zonas máis pobres e densamente poboadas do país.

 

Nun país onde menos de 1 de cada 5 persoas nas áreas rurais ten acceso a unsaneamento mellorado, e o 40% das persoas fai uso de fontes de auga non seguras, témese que o furacán empeore unha situación de seu precaria.

 

O cólera é endémico en Haití. Este ano xa se rexistraron máis de 27.000 posibles casos de cólera, dos cales 1 de cada 3 son nenos. Por iso, calquera dano contra as infraestruturas de auga e saneamento ou desprazamentos a gran escala poderían pór aos nenos e as familias nun risco maior de infección.

 

Con 89 profesionais sobre o terreo, en UNICEF estamos a traballar para apoiar a resposta humanitaria do Goberno. As subministracións para salvar a vida de 10.000 persoas están xa sobre o terreo e listos para ser distribuídos ás familias máis afectadas nas zonas máis golpeadas. Estas subministracións inclúen bidóns de auga e pastillas potabilizadoras, kits de hixiene e mosquiteras.