Filipinas: UNICEF presta axuda de emerxencia tras o tifón

Ata 4 millóns de nenos poderían estar a sufrir as consecuencias do desvastador tifón Haiyan e UNICEF xa está a traballar para que a axuda chegue a todos eles. O equipo permanente de UNICEF en Filipinas traballa dende o venres nesta emerxencia e o centro de subministracións da organización en Copenhaguen prepara un envío de 60 toneladas métricas de axuda de emerxencia.

 

 

Este envío de subministracións de emerxencia inclúe materiais sanitarios, equipos médicos e de refuxio, que serán trasladados a través dunha ponte aérea de emerxencia. Tamén se fretarán subministracións para potabilizar e almacenar auga, así como materiais de saneamento, que serán enviados directamente a Manila dende as fábricas de produción en Europa e Asia.


Á parte deste primeiro cargamento de emerxencia, UNICEF tamén está a reunir un equipo especializado para desprazalo a prestar apoio ao equipo permanente de UNICEF Filipinas.

 

o tifón Haiyan, o máis forte da historia

"Segundo o goberno, máis de 36 provincias víronse azoutadas polo tifón máis forte que xamais tocase terra en calquera parte do mundo, e sabemos que un importante número de nenos se viron moi afectados" dixo o representante de UNICEF enFilipinas, Tomoo Hozumi. Mentres se avalía o impacto total do tifónHaiyan, calcúlase que puido afectar a 4 millóns de nenos que viven nas zonas afectadas polo desastre.

"A principal prioridade de UNICEF é levar a cabo tarefas que salvan vidas como conseguir medicamentos básicos, subministracións nutricionais, auga potable e artigos de hixiene para os nenos e as familias" subliñouHozumi. "Este non é o primeiro desastre natural que azoutou Filipinas recentemente, xa que hai tres semanas tivo lugar un terremoto en Bohol, polo que sabemos o importante que échegar aos nenos rapidamente. "

UNICEF participa na avaliacióndas consecuencias da catástrofe para poder coñecer cando antes onde están os afectados e cales son as súas necesidades. A organización mobilizou os seus sistemas de subministración e xa traballa xunto a ONG aliadas para liderar os traballos de axuda de emerxencia aos nenos.

axuda para filipinas

Os nenos de Filipinas necesitan protección. Sequeres colaborar nesta emerxencia, poidas facelo a través da nosa web.