Crise en Siria: declaración sobre o cesamento das hostilidades
"Para os nenos de Siria, o acordo sobre as condicións dun cesamento de hostilidades é unha boa noticia despois de cinco anos dun conflito brutal. UNICEF acolle con satisfacción este avance diplomático, que debe estar apoiado agora por accións concretas.
Accións para poñer fin á
violencia e a destrución. Accións de todas as partes
involucradas no conflito para facilitar un acceso ilimitado e
incondicional que permita proporcionar a todos os nenos e as
familias a asistencia humanitaria que necesitan
desesperadamente, e que debe incluír alimentos, auga,
vacinas e subministracións médicas. E
accións que permitan aos nenos regresar á escola e recuperar unha
infancia normal.
Se se aplica, o cesamento
de hostilidades representa unha oportunidade para iniciar
o labor de reparar un país que sufriu moito durante demasiado
tempo, e de chegar aos nenos e nenas que son o futuro de
Siria".
Declaración de
Anthony Lake, director executivo de UNICEF