A Compañía de Radio/Televisión de Galicia (CRTVG) súmase á loita contra a desnutrición infantil

Durante toda a semana, tanto aTelevisión de Galicia como a Radio Galega ofrecerán unha programación específica para sensibilizar á audiencia sobre a importancia da solidariedade na loita contra adesnutrición infantil, causa de que uns8.000 nenos menores de cinco anos morran cada día no mundo.

 

A desnutrición infantil, entendida como unha combinación de falta de alimentos e enfermidades infecciosas, é unha das principais ameazas para a supervivencia, a saúde e o crecemento de millóns de nenos e nenas no mundo. 

 

Tamén se incluirán contidos relacionados coa viaxe a Bolivia que fixo en setembro un equipo da TVG, encabezado polo xefe de Informativos Xosé M. Maseda e a actriz e presentadora Lucía Regueiro, para coñecer o traballo realizado ensaúde materna e neonatal neste país coapoio de UNICEF.

 

A través de Varias entrevistas e reportaxes permitirán coñecer máis a fondo o proxecto "Mellora do acceso aos servizos de saúde de mulleres embarazadas e recentemente nados", apoiado pola Cooperación Galega, no que a través da implementación dun sistema de Telesalud  baseado na utilización das novas tecnoloxías, realízase un seguimento ás mulleres embarazadas e recentemente nados, garantindo o seu correcto acceso ás redes de saúde.

 

Un ano máis, o programaLuar reforzou o seu compromiso con UNICEF ofrecendo o venres 20 unha edición especial, que coincide, nesta ocasión, coa celebración doDía Universal do Neno. Tamén colaborarán outros programas da cadea pública como  Boas Tardes, O que pasa aquí, Aquí Galicia e Land Rober, así como os diferentes espazos dos Servizos Informativos: Contraportada, Bos Días, A Revista, Telexornal Mediodía e Telexornal Serán.

 

Ademais, presentadores como Terio Carreira e Ana Celia Vázquez e os protagonistas de series de éxito da TVG como Serramoura, Pazo de Familia e Hospital Real, actuarán como mensaxeiros da campaña, con chamamentos especiais para que a poboación galega únase á Semana coa Infancia enviando SMS coa palabraAXUDA ao 38028.

 

Pola súa banda, a Radio Galega e os seus profesionais dedicarán  boa parte dos seus contidos á Semana coa Infancia, a través de programas como Somos Quen, Galicia en Goles, Galicia por diante, A Tarde e Convivir en Igualdade. Os presentadores Xusto L. Carril, Xoán Galán e Kiko Novoa, entre outros, actuarán como mensaxeiros.