Apoio aos nenos sirios ante as inundacións
As graves condicións climáticas que se rexistran no norte de Xordania - chuvia, neve e temperaturas baixo cero-, empeoraron considerablemente a situación dos nenos que se encontran entre os 55.000 refuxiados sirios que viven no campamento Za'atari.
As inundacións dos últimos días provocaron o desborde dos desaugadoiros e a auga entra nas tendas de campaña. A profundidade do lama está a complicar o acceso dos camións que transportan auga e os vehículos de carga ao campo de refuxiadosInundáronse moitos Espazos Amigos da Infancia, tendas, terreos, e ademais derrubouse unhatenda de campaña utilizada para dar refuxio aos menores non acompañados.
UNICEF está a traballar para mellorar as condicións de vida dos refuxiados
En resposta, UNICEFe os seus aliados están a traballar día e noite para garantir que todos os refuxiados teñen acceso a auga, latrinas e duchas.ACNUR, o Ministerio de Obras Públicas e THW, aliado de UNICEF, están a traballar para drenar a área afectada e mitigar os efectos.UNICEF distribuíu roupa de emerxencia xunto con colchóns para substituír os colchóns empapados pola chuvia. Ademais distribuíronse calefactores ás familias que agora viven en construcións prefabricar no campamento.
"As próximas 72 horas serán unha proba crucial da nosa capacidade para cubrir as necesidades básicas dos nenos e as súas familias en Za'atari", afirma o Representante de UNICEF en Xordania,Dominique Hyde. "Xunto co Goberno de Xordania e os nosos colaboradores, estamos a facer todo o posible para asegurar que se manteñan os servizos e que os nenos poidan manterse quentes e secos". Ademais, Hyde asegurou que a falta de fondos foi unha limitación importante. "Os recursos que obtivemos no ano 2012 esgotáronse, e non chegaron novos fondos para este ano. Facemos un chamamento urxente á comunidade internacional e aos doadores en xeral para acheguen máis fondos tan pronto como sexa posible", engadiu. A deterioración da situación en Za'atari chega no medio do continuo fluxo de refuxiados que chegan dende o outro lado da fronteira. Dende principios de xaneiro, preto de 10.000 sirios chegaron a Xordania.