Que é iso do Interese Superior do Neno? Eles opinan
Post de Gregorio Aranda, Responsable de Políticas Locais de infancia de UNICEF España
A semana pasada o Comité dos Dereitos do Neno fixo público o seu Comentario Xeral n.º 14, referido a un dos principios da Convención sobre os Dereitos do Neno: o interese superior do menor.
Trátase dunha referencia clave pero, a miúdo, pouco coñecida ou mal utilizada, polo que esta orientación do Comité é enormemente importante.
Pero, que opinan os nenos e nenas sobre este dereito?, como o interpretan?, como cren que debe ser aplicado polas administracións, os profesionais que traballan con eles e as súas familias?
Para coñecelo, o pasado día 30 de maio o Parlamento Infantil on line abriu o seu hemiciclo a 34 nenos e nenas de 12 Cidades Amigas da Infancia e pregúntolles sobre como entenden o interese superior do neno e onde e como creen que se ha de aplicar.
Eles e elas entenderon que o interese superior do neno se pode interpretar como, "todo aquilo que nos fai falta para estar ben: educación, amor, casas, necesidades... ".
A súa reflexión foi máis alá: empezaron pola familia, e preguntáronse " por que os fillos son os máis afectados nun divorcio? ". Os participantes senten que non se aplica este principio, tendo en conta que "temos que estar a cambiarnos de casa constantemente e temos que ver os nosos pais discutir e menos tempo do que queremos"; e apuntaron a súa confianza na xustiza ao votar maioritariamente que si se pensa na infancia cando se determina como repartir a súa custodia.
nas crises, é máis necesario que nunca ter en conta a os nenos
Ademais, os rapaces expuxeron que na situación actual de crise é máis necesario que nunca que o interese superior do neno sexa máis tido en conta, e deron a súa opinión de como no día a día se ve afectado o principio de interese superior do neno en temas como:
- Educación: "Nas aulas dos institutos pasamos frío e calor, notamos a falta de profesores e o seu malestar. Agora aprobaron unha nova lei sen ter en conta a nosa opinión".
- Sanidade: "Os nenos, para estar sans non só necesitamos a asistencia médica, senón que tamén temos que ter saúde mental para poder ser felices". "Debería haber mais psicólogos e orientadores especializados en colexios e institutos".
- Vivenda: "Os nenos non temos que sufrir as consecuencias dos adultos, por iso votamos que para un desafiuzamento se teñen que ter en conta se viven nenos ou non". "Pensamos que debería haber alugueres baratos de casas".
- Urbanismo: "Á hora de construír un colexio, prazas parques... que son lugares que utilizamos os nenos, o primeiro que terían que facer é preguntárnolo e ter en conta a nosa opinión".
Isto é só un resumo das opinións e comentarios dos participantes, que demostra o interese dos nenos no cotián, e nos obriga a traballar nun presente que garanta un futuro mellor para eles.