Mali: kolera agerraldiari erantzuten

Mali-n ezagutu den kolera azken agerraldi berri honen ondoren, UNICEFek jadanik ur, saneamendu eta higiene arloko 20.000 kit bidali ditu herrialdeko iparraldera, larrialdiko erantzunaren barnean.

Bidalketa honetan, 120.000 pertsonarentzako hornigai nahikoa barneratu dira, horien artean 60.000 haurrak direlarik. Guztiek, ura edangarri bihurtzeko pastillak, ur-bilketarako ontziak eta beste zenbait materiale eskuragarri izango dituzte Mali-ko iparraldean kokatzen diren Gao eta Tombuctú herrietan banatuko baitira, bertan izan baita kolera agerraldia. Hornigaiak, tokian bertan lan egiten duten UNICEFen tokiko aliatuen bitartez banatuko dira.
  
Kolera agerraldia hasi zenetik, duela hamar bat egun, sei haur hil dira eta Niger ibaiko arroatan kokatzen den Gao eskualdeko Wabaria, Labbezanga eta Ansongose herrietan 56 kasu egon dira. Sahel-eko herrialdeetan kolera endemikoa den arren, eskualde osoarengan eragina duen elikadura krisiak, biztanleen lekualdatze handiekin eta euri sasoiarekin batera, ondorengo asteetan kolera kasuen gorakada handiaren arriskuaren beldurra handitzen du.

koleraren hedatze handiago saihestea

"Mali-ko iparraldean kolera gehiago hedatu dadila eragozteko ahal den guztia egin behar dugu, bertan istiluen eta elikadura krisiaren eragin ikaragarriak pairatzen baitituzte", azpimarratu zuen Frederic Sizaret-ek, UNICEFek Mali-n duen Alboko Ordezkariak. "Kit hauekin, iparraldeko 20.000 familiak ur garbiagoa izango dute eskuragarri eta gaixotasunaren aurka babesteko baldintza hobeak izango dituzte, batez ere haurrek, kaleteberenak baitira".

Epidemia zegoela jakin bezain pronto, UNICEFek larrialdiko konboi bat bidali zuen; konboi hori, Gao-ko eskualdean ezagutu diren kolera 500 kasuei aurre egin ahal izateko tokiko aliatuei laguntza eskaini ahal izateko sendagaiak eta ekipamenduak garraiatzen zituzten hiru kamioik osotzen zuten.
  
Jadanik, arrisku handiko guneetan bizi diren milioi erdi pertsonarengan kolerak eragina izatea eragoztekosistema abian jarri da. Materiala hornitzeaz gain, koleraren hedatzea saihesteko prestakuntza saioak ere gauzatzen dira, bertan ura nola tratatu behar den eta higiene praktika egokienak ezagutzera ematen zaizkielarik.

Aste honetan banatu diren 20.000 kit-etariko bakoitzak, bidoi tolesgarriak eta ontziak, ura edangarri bihurtzeko pastillak eta xaboia barneratzen ditu, sei hilaberez sei kideko familia baten beharrak asetzeko nahikoa.
  
Frederic Sizaret-en ustez, "koleraren epidemia elikadura krisiari eta Mali-k egun bizi duen segurtasun arazoarigehitzen zaie, eta honek guztiak pertsonen kalteberatasuna handitzen du eta larrialdiari erantzuteko gauzatzen diren ahaleginak arriskuan jartzen ditu. Tamaina honetako krisi honi erantzun ahal izateko, premiaz funts gehiago behar ditugu".  
  
Aurtengo ekainera arte, UNICEFek ur, saneamendu eta higiene arloko programen bitartez Mali-ko larrialdiari erantzuteko behar dituen 15,8 milioi dolarretatik (12,8 milioi euro) soilik %12a jaso du.