Declaración de Anthony Lake, director executivo de UNICEF, sobre a situación en Iemen
"Parece que o número de vítimas é máis elevado cada día. A noticia de que dous nenos máis foron asasinados e outros seis feridos na escalada do conflito en Iemen pon de relevo a necesidade urxente de adoptar medidas para protexer á infancia - e para poñer fin ás hostilidades que están a devastar as súas vidas e o seu futuro.
Dende que o conflito se intensificou en marzo, ata 135 nenos foron
asasinados e 260 feridos. Case un terzo das mortes aconteceron na
cidade costeira de Adén, onde a violencia aumentou de novo nos
últimos días.
Cada unha destas mortes é unha traxedia persoal e un duro
recordatorio da magnitude que está a adquirir o conflito en Iemen.
Tamén é a crua evidencia da natureza da violencia, que se ceba cos
grupos xa vulnerables, poñendo os nenos nunha maior situación de
risco.
As últimas vítimas do conflito pertencen á
comunidade Muhamasheen,un grupo que sufriu décadas de discriminación e ostracismo en
Iemen. As familias deste asentamento están a fuxir dos seus
fogares.
Os nenos non deben seguir pagando o prezo da violencia en Iemen.
Todas as partes no conflito están obrigadas polo dereito
internacional humanitario a protexer os nenos de calquera dano.
Como mínimo, debe haber unha pausa humanitaria para permitir que as
subministracións vitais cheguen aos feridos, os enfermos, os
vulnerables e a todos aqueles afectados pola
violencia.
Pero só o fin absoluto das hostilidades pode protexer aos nenos de
Iemen. Eles son o futuro de Iemen. "
Para acceder a vídeos e fotos: http://uni.cf/1CggcN0
Para coñecer máis e colaborar co traballo de UNICEF en emerxencias: