62 millóns de nenos necesitan axuda de emerxencia en 71 países
UNICEF presenta o seu informe de acción humanitaria cun chamamento de 3.100 millóns de dólares para prestar a asistencia necesaria. É o maior chamamento de emerxencias na historia da organización e a maior parte corresponde ás crises de Sirya e do ébola.
UNICEF presentou un chamamento por 3.100 millóns de dólares (máis de 2.700 millóns de euros) "o maior xamais realizado" para chegar a 62 millóns de nenos que se atopan en situación de risco en diversas crises humanitarias de todo o mundo. Este chamamento supón un aumento de 1.000 millóns de dólares nas necesidades de financiamento con respecto ao ano pasado.
"Os nenos e nenas de todo o
mundo, que sofren desde desastres naturais mortais até conflitos
brutais e epidemias de rápida propagación, fan fronte a unha nova
xeración de crises humanitarias", dixo Afshan Khan, Directora de
Programas de Emerxencia de UNICEF. "Tanto se aparecen nos titulares
coma se permanecen ocultas para o público, as situacións de
emerxencia provocadas pola fractura social, o cambio climático e as
enfermidades están a axexar aos nenos dun modo que non viramos
nunca antes".
Un número cada vez maior de nenos
fan fronte a conflitos complexos e destrutivos, a desastres
naturais e a outras situacións de emerxencia, incluída a epidemia
do ébola; todo iso situoulles nunha extraordinaria situación de
perigo debido á violencia, a fame, a enfermidade e o abuso, e cada
vez son necesarios máis recursos para abordar a situación.
Máis de 1 de cada 10 nenos no
mundo (ou 230 millóns) viven actualmente en países e zonas
afectadas por conflitos armados.
"Acabo de regresar de Siria e
Líbano, onde millóns de nenos viron como se desgarraban as súas
vidas", dixo Afshan Khan. "Durante o últimos catro anos, estes
nenos foron testemuñas todos os días da violencia e da morte, e
careceron dos elementos máis básicos para vivir. Este chamamento
contribuirá a garantir un futuro non soamente para os nenos de
Siria, senón para todos os nenos do mundo que sofren as
consecuencias das crises humanitarias".
O chamamento da edición 2015 deAcción Humanitaria para a Infancia de UNICEF ten como
obxectivo axudar a un total de 98 millóns de persoas, das cales ao
redor de dúas terceiras partes son nenos, en 71 países.
- A proporción
maior do chamamento é para Siria e a subregión. UNICEF solicita 903
millóns de dólares para a resposta rexional dirixida a protexer aos
nenos en situación de risco e ofrecer asistencia vital como vacúas,
auga e saneamento, e educación.
- UNICEF fai un
chamamento por 500 millóns de dólares para acelerar os seus labores
no corazón das comunidades afectadas polo ébola. O diñeiro será
utilizado para ampliar os esforzos dirixidos a illar e tratar todos
os casos rapidamente, evitar novos brotes, e seguir promovendo
comportamentos saudables para previr a propagación da enfermidade.
A meta para 2015 é chegar a cero casos e apoiar a revitalización
dos servizos sociais básicos.
- En Nixeria,
onde os ataques de grupos armados intensificáronse nos últimos
anos, provocando que máis de 1 millón de persoas no nordés tivesen
que fuxir dos seus fogares, UNICEF está a solicitar 26,5
millóns.
- Un ano despois
do inicio do conflito en Ucraína, UNICEF fai un chamamento por
32,45 millóns de dólares debido a que o país fai fronte a unha
crise humanitaria, xa que 5,2 millóns de persoas viven en zonas de
conflito, hai máis de 600.000 desprazados internos e uns 1,7
millóns de nenos están afectados.
O chamamento inclúe tamén outras
graves crises esquecidas que non reciben fondos suficientes, pero
que puxeron aos nenos e as nenas nunha situación de necesidade
desesperada; entre elas cabe destacar as crises de Afganistán
(soamente financiado nun 35% en 2014), do Estado de Palestina
(soamente financiado nun 23% en 2014) e de Níxer (só financiado nun
35% en 2014).
Ademais da resposta humanitaria
inmediata, os fondos recadados facilitarán os labores que UNICEF
realiza de maneira conxunta con outras organizacións aliadas a fin
de preparar aos países para desastres futuros mediante o
fortalecemento dos sistemas nacionais de preparación e a
capacitación das comunidades para que poidan axudarse a si
mesmas.
"Este chamamento chegará aos
nenos máis vulnerables, onde queira que estean", dixo Khan. "O
lugar onde nace un neno non debe determinar o seu destino. Temos
que ofrecer servizos esenciais aos nenos coas maiores necesidades,
proporcionándolles os elementos básicos que lles permitan crear un
futuro máis pacífico. Non se trata soamente da acción humanitaria
inmediata, xa que estes investimentos a curto prazo xerarán
beneficios a longo prazo".
En 2014, UNICEF chegou a millóns
de nenos con axuda humanitaria, incluíndo a vacinación de 16
millóns de nenos contra o sarampión, o tratamento de 1,8 millóns de
nenos contra as formas máis graves de desnutrición, os servizos de
apoio psicolóxico a case 2 millóns de nenos e o abastecemento de
auga potable a 13 millóns de persoas. Dous millóns de nenos
recibiron tamén unha mellor educación, un elemento crucial da
resposta de emerxencia de UNICEF, xa que axuda a restablecer unha
sensación de normalidade entre os nenos e ofrécelles unha esperanza
para o futuro.
# # #
O chamamento de Acción
Humanitaria para a Infancia de UNICEF de 2015 e a información
sobre os países mencionados pódese obter aquí a partir das 09:30
GMT do 29 de xaneiro de 2015: www.unicef.org/appeals
Para descargar fotos e vídeos:
ftp://video.unicef.es/HAC2015
Usuario: Refcom
Contrasinal: uce442087
Nota para os editores
Os 71 países e zonas que aparecen
no chamamento de Acción Humanitaria para a Infancia de
2015 destácanse segundo a escala das súas crises, a urxencia
do seu impacto sobre os nenos e as mulleres, a complexidade da
resposta e a capacidade de responder.
Para contribuir ao traballo de UNICEF en
emerxencias:
https://www.unicef.es/emergencias-ayuda-humanitaria
Acerca de UNICEF
UNICEF promove os dereitos e o
benestar de todos os nenos e nenas en todo o que facemos. Xunto aos
nosos aliados, traballamos en 190 países e territorios para
transformar este compromiso en accións prácticas, centrando
especialmente os nosos esforzos en chegar aos nenos máis
vulnerables e excluídos para o beneficio de todos os nenos, en
todas partes.
Más información:
Christophe Boulierac, UNICEF Xenebra, Tel: +41 (0)22 909 5716, Móvil: +41 (0) 799639244, [email protected]
Rose Foley, UNICEF Nova York, Tel: + 1 212 303 7987, Móvil: + 1 917 340 2582, [email protected]
Najwa Mekki, UNICEF Nova York, Tel: +1-212-326-7448, Móvil: +1 917 209 1804 [email protected]
Belén de Vicente, UNICEF España, Tel: 609 160 051 / 91 378 95 55, [email protected]