UNICEF reitera o seu chamamento á protección e seguridade dos nenos no medio da violencia en Burundi
UNICEF dixo hoxe que está moi preocupado polas probas da presenza constante de nenos nos enfrontamentos violentos en Burundi. Esta situación levou á morte doutro neno nun tiroteo o luns e ás feridas dun neno alcanzado por unha bala onte.
"UNICEF recorda
a todas as partes no conflito a súa obriga de garantir a seguridade
e protección dos nenos en Burundi,
e en particular de asegurar que os nenos quedan fóra de todas as
manifestacións políticas e accións que poden poñelos en risco",
dixo a directora rexional de UNICEF para
África Oriental e Meridional, Leila
Gharagozloo-Pakkala.
"Ningún neno debería ser exposto ou ser testemuña da violencia. O
lugar dun neno está na seguridade e coa familia, non no medio de
enfrontamentos violentos,".
O respecto aos dereitos dos nenos está claramente establecido polas
leis de Burundi e
internacionais. Protexer os nenos e os seus dereitos é unha
responsabilidade compartida, que inclúe ao goberno e ás forzas de
seguridade. Os nenos e mozos de Burundi non
deberían ser involucrados en accións políticas violentas nin
mobilizados para participar en hostilidades baixo ningunha
circunstancia.
Aproximadamente 84.000 persoas, das que dous terzos son mulleres e
nenos, fuxiron de Burundi como
refuxiados a países como Tanzania, Ruanda e a República Democrática
do Congo. UNICEF está
a traballar coa Axencia da ONU para
os Refuxiados (ACNUR),
a Oficina de Nacións Unidas do Alto Comisionado para os Dereitos
Humanos (OHCHR,
polas súas siglas en inglés), a Organización Mundial da Saúde
(OMS)
e os seus aliados para dar apoio aos nenos
en Burundi e
aos que deixaron o país.