UNICEF presta asistencia aos nenos evacuados da zona asediada de Homs

Polo menos 500 mulleres e nenos foron evacuados nos últimos días da asediada cidade vella de Homs durante a operación humanitaria en curso emprendida por Nacións Unidas e a Media Lúa Vermella Árabe Sirya.

O alto o fogo humanitario é o primeiro que a ONU negociou na asediada zona antiga da cidade que estivo asediada durante máis de 600 días. "Os nenos que evacuamos estaban débiles e consumidos", dixoTarek Hefnawy, traballador deUNICEF que formou parte da operación. A pesar de que foi obxecto de ataques, o convoi de axuda humanitaria, que entrou no distrito de Cidade Vella de Homs o 8 de febreiro, logrou entregar subministracións, incluíndo comprimidos de purificación de auga proporcionados por UNICEF abondo para apoiar a poboación que quedou en Homs. O persoal de UNICEF asegurouse de que os nenos que chegan aos centros de acollida, fóra da cidade vella, reciben inmediatamente suplementos con alto poder nutritivo. Un total de 380 nenos recibiron vacinación contra a polio,DPT, hepatite B, sarampelo e outras enfermidades previbles. O persoal informou da presenza de ao redor de 20 mulleres embarazadas entre os evacuados. Antes de que comezase a operación humanitaria, UNICEF estimou que había máis de 1.000 nenos atrapados en Homs. O persoal de UNICEF acompañou os nenos que foron identificados como vulnerables ata que estiveron seguros, co obxectivo de asegurar que non fosen separados das súas familias ou postos en riscos doutro modo. "Este é un grande avance, pero só é o comezo", dixo o Representante de UNICEF Sirya Youssouf Abdel Jelil. "Seguimos moi preocupados pola sorte dos nenos que aínda están atrapados en Homs e noutras comunidades asediadas en toda Sirya. As partes no conflito deben protexer os nenos, respectar as pausas humanitarias e acatar os principios de dereito internacional humanitario para facilitar a entrega de asistencia humanitaria aos que a necesitan desesperadamente", engadiu.