UNICEF necesita de forma urxente fondos para frear a espiral de morte do ébola
A organización fixo un chamamento de 154 millóns de euros para protexer do virus os 8,5 millóns de nenos que viven nas zonas afectadas de Guinea, Serra Leoa e LiberiaUNICEF afirmou hoxe que necesita 154 millóns de euros para responder á crise do ébola que se levou por diante máis de 2.400 vidas e asolou comunidades enteiras en África occidental. Este chamamento forma parte dunha petición máis ampla de seis meses de duración co fin de recadar os 763 millóns de euros que gobernos e axencias humanitarias necesitan para combater a enfermidade.
"O ébola está a matar persoas e compromete o futuro", dixo Afshan Khan, a directora de programas de emerxencia de UNICEF. "Está a pechar escolas, destruíndo o sistema sanitario e ameazando o tecido social das comunidades. Estamos ante unha crise de enormes proporcións".
Dos 154 millóns, uns 50
millóns destinaranse aos programas de UNICEF en Liberia; ao redor de 47 millóns aos de
Serra Leoa; e máis de 42 millóns a programas en Guinea. Uns 8
millóns servirán de apoio aos países veciños para prepararse ante
unha posible propagación do virus dentro das súas fronteiras. Os 7
millóns restantes reservaranse para o traballo de coordinación a
nivel rexional.
UNICEF calcula que 8,5 millóns de
nenos e mozos menores de 20 anos viven en zonas afectadas poloébola en Guinea, Serra Leoa e Liberia;
2,5 millóns deles son menores de cinco anos.
Mentres o ébola continúa coa súa espiral de morte,UNICEF reforzou a súa resposta
traballando coas comunidades para concienciar sobre a enfermidade e
proporcionando subministracións de hixiene básica dende os
primeiros días do brote. A organización, presente en todos os
países afectados, actúa contra o reloxo para proporcionar
subministracións básicas e información sobre como poden protexerse
as familias das comunidades afectadas.
Algúns exemplos dos
esforzos que UNICEF e os seus aliados
están a levar a cabo:
. Transportar por vía aérea 544 toneladas métricas de subministracións de hixiene, equipos de protección e medicinas esenciais a Guinea, Liberia e Serra Leoa, co apoio do Banco Mundial, Xapón e USAID.
. Apoiar o goberno de
Serra Leoa para desenvolver unha campaña de sensibilización de tres
días, do 19 ao 21 de setembro, mediante a formación de voluntarios
e a distribución de información precisa sobre o ébola.
. Poñer en marcha
instalacións de auga e saneamento nos centros de tratamento doébola nos tres países.
. Formar a voluntarios
sanitarios, profesores e outros para colaborar na difusión de
información sobre o virus que pode salvar vidas.
. Traballar para evitar
brotes de enfermidades distintas ao ébola e proporcionar servizos básicos a mulleres e
nenos.
. Proporcionar apoio
psicolóxico a nenos afectados polo ébola.
"Temos que traballar coas
comunidades", dixo Khan. Podemos
salvar vidas agora se cada país e cada axencia cos medios
necesarios para axudar, o fai".