UNICEF mostra a súa preocupación polos nenos afectados polo tifón Koppu que están en áreas inaccesibles
UNICEF fai un chamamento de 2,8 millóns de dólares para a reposición de subministracións
UNICEF está en alerta máxima despois de que o tifón Koppu (cuxo nome local é Lando) tocase terra en Filipinas o domingo pola mañá. O tifón, que se move amodo, trouxo choivas torrenciais e ventos fortes que causaron inundacións, deslizamientos de terra, cascallos arrastrados polo vento, cortes de electricidade, liñas de comunicación caídas e estradas e pontes danadas.
Segundo os datos de hoxe do
Goberno, 55.554 persoas foron evacuadas; máis de 12.125 familias
atópanse en 136 centros de evacuación, e 104.299 persoas están
desprazadas.
Informouse dunhas 15 incidencias
relacionadas con inundacións en Pangasinan, Isabela, Nova Ecija,
Tarlac e Bulacan. A avaliación, prevista para a próxima semana,
confirmará as cifras e o alcance do impacto, xa que a comunicación
coas comunidades afectadas restablecerase a finais desta semana.
UNICEF sinala que a preparación por parte do goberno e a súa acción
temperá na evacuación preventiva e a ampla difusión de información
pública minimizaron os danos persoais e materiais. O goberno
activou os grupos de resposta humanitaria.
Cando se produce calquera tipo de
desastre, os nenos son os máis vulnerables. UNICEF activou as súas
medidas de preparación ante emerxencias días antes de que o tifón
golpease o arquipélago.
"A prioridade de UNICEF é
garantir que os nenos estean a salvo e protexidos. Despois dun
tifón enfróntanse aos riscos derivados das augas contaminadas, a
falta de alimento, epidemias como o cólera, hipotermia, diarrea e
pneumonía. En segundo lugar, debemos asegurar que os nenos
recuperan o seu ritmo de vida e que volven á escola canto antes",
dixo a representante de UNICEF Filipinas, Lotta Sylwander. "A lenta
traxectoria do tifón Koppu inclúe zonas montañosas e de difícil
acceso, preocúpanos o benestar dos nenos afectados. UNICEF está
preparado para dar a súa resposta axiña que como nolo pida o
Goberno".
Mentres seguen chegando os
informes das áreas afectadas, os expertos de emerxencias de UNICEF
prevén que haberá necesidades relacionadas co restablecemento da
subministración de auga potable nas zonas alagadas, apoio sanitario
e nutricional específico para as nais lactantes e bebés
recentemente nados, e a continuación da educación. UNICEF ten
preparadas subministracións como pastillas para potabilizar a auga,
kits de hixiene, medicamentos, artigos escolares, alimento
terapéutico, tendas de campaña e xeradores, para unhas 12.000
familias.
UNICEF fai un chamamento por valor
de 2,8 millóns de dólares (2,4 millóns de euros) para a reposición
de subministracións. O tifón Koppu é o 12º ciclón tropical que
entra en Filipinas este ano. O país sofre anualmente uns 20
tifones. A previsión é que a última parte do ano traia tifones máis
intensos debido ao fenómeno do Neno. Actualmente outro tifón,
chamado Champi, achégase a Filipinas.
Para descargar fotos:
ftp://video.unicef.es/filipinas/fotos
Usuario: Refcom
Contrasinal: uce442087
Más información:
Zafrin Chowdhury, UNICEF Filipinas, Tel: +632 901 01 77, móvil: +63 917 867 8366, [email protected]
Marge Francia, UNICEF Filipinas, Tel: +632 901 01 73, móvil: +63 917 858 9447, [email protected]
Belén de Vicente, UNICEF España, 609 160 051/ 91 378 95 55 [email protected]