UNICEF gaña acceso para a asistencia humanitaria aos nenos iraquís desprazados
A auga limpa e a hixiene están no centro da resposta humanitaria de UNICEF para os nenos e as familias afectadas polo conflito actual en Iraq. A última crise, que comezou o 11 de xuño, deu como resultado o desprazamento dunhas 500.000 persoas, a metade deles nenos.
Nos últimos días, UNICEFlevou a cabo misións para apoiar as autoridades locais coas avaliacións inmediatas e provisión de intervencións que salvan vidas. Os equipos de UNICEF chegaron a nenos e familias en Sinjar eTel Keif, a só uns quilómetros de distancia da primeira liña en Mosul. Ata a data, UNICEF distribuíu máis de 70.000 litros de auga potable, 5.000 paquetes de alimentos e 3.500 kits de hixiene, ademais de material de recreación para aproximadamente 15.000 nenos, moitos dos cales pertencen ás minorías que son especialmente vulnerables. O domingo, unha misión conxunta dirixida por UNICEF, a OIM eACNUR chegou a Kirkuk, onde as conversacións con alcaldes e líderes a nivel provincial trataron as accións inmediatas para ofrecer unha asistencia similar nos próximos días. "UNICEF está a conseguir chegar aos nenos en zonas de difícil acceso, moitos deles das minorías marxinadas. En particular, sentímonos alentados por chegar a miles de nenos que están nos territorios en disputa, con intervencións que salvan vidas ", dixo no Representante de UNICEF en Iraq, Marzio Babille. Ao mesmo tempo, Babille destacou que coa rápida evolución da situación política e humanitaria en Iraq, hai moito por facer. "Esta crise está a sobrecargar os nosos esforzos humanitarios e os recursos financeiros", dixo Babille. Estamos moi agradecidos a todos os doadores que nos prestaron apoio, pero claramente necesitamos moito máis para ser capaces de proporcionar suficiente axuda aos nenos e as súas familias, e esperamos a xenerosidade da comunidade internacional para iso".
A recente crise en Iraq súmase a outros desafíos que enfronta o país incluíndo un desprazamento masivo da poboación da provincia occidental de Anbar, a reaparición da poliomielite despois de 14 anos e a afluencia de refuxiados da veciña Sirya. A situación, cada vez máis complexa, está a engadir presión sobre as familias de acollida cuxos recursos financeiros están a diminuír día a día. A escaseza de combustible está a afectar á prestación de servizos básicos, incluíndo o bombeo de auga e electricidade, mentres que os prezos dos produtos básicos seguen aumentando, afectando de xeito especial ás comunidades máis pobres, incluídos os desprazados.