UNICEF e o PMA chegan a miles de persoas sen acceso a axuda humanitaria durante meses en Sudán do Sur
NOTA DE PRENSA CONXUNTA
A pesar da inseguridade
en Sudán do Sur, concretamente no estado do
Alto Nilo, UNICEF e
o Programa Mundial de Alimentos (PMA)
lograron levar alimentos e atención nutricional a miles de persoas
que levaban sen acceder meses á axuda humanitaria.
O PMA e UNICEF despregaron
un equipo itinerante de resposta de emerxencia para chegar a máis
de 27.000 persoas en Wau
Shilluk,
na beira oeste do río Nilo,
fronte á capital do estado de Malakal.
Foi a primeira vez que as axencias puideron chegar aos habitantes
de Wau
Shilluk dende
marzo. O equipo finalizou a distribución de alimentos o pasado
luns.
Nos últimos meses os problemas de acceso e a preocupación pola
seguridade do persoal impediron que as axencias humanitarias
chegasen á xente en Wau
Shilluk e
noutras áreas rurais do Alto Nilo.
Moitas organizacións víronse obrigadas a reducir as súas operacións
na beira oeste do Nilo debido
á falta de seguridade.
"Con poucos ou ningún servizo dispoñibles, os nenos non están a
recibir alimentos nutritivos nin atención médica nestes pobos",
dixo Jonathan
Veitch,
representante de UNICEF en
Sudán do Sur. "Trátase dunha situación desesperada", engadiu
durante unha visita a Wau
Shilluk.
Decenas de miles de persoas fuxiron das zonas máis remotas nos
últimos meses para chegar ao centro da ONU para
a Protección de Civís en Malakal,
en busca non só de seguridade, senón de axuda
humanitaria.
"Os nosos equipos itinerantes levan recursos vitais ás zonas
afectadas polo conflito", dixo Hakan
Falkell,
director adxunto do PMA en
Sudán do Sur. "A maioría de desprazados internos encontraron
refuxio en comunidades de acollida, e é crucial chegar ata eles
onde estean, para que non queden expostos a máis perigos durante a
súa busca de axuda humanitaria,".
En Wau
Shilluk,
o PMA proporcionou
asistencia alimentaria a máis de 20.000
persoas. UNICEF examinou
máis de 3.000 nenos menores de 5 anos para comprobar se sufrían
desnutrición, vacinou máis de 8.000 nenos menores de 15 anos contra
o sarampelo e 7.800 contra a polio. Máis de 400 mulleres
embarazadas recibiron a vacina contra as tétanos.
Dende que hai un ano o PMA e UNICEF,
xunto a ONG aliadas, empezaron a despregar os equipos conxuntos,
coñecidos como Misións de Resposta Rápida, chegaron a máis de 1,3
millóns de persoas, incluídos 220.000 nenos menores de 5 anos, nas
zonas de máis difícil acceso do país.
Non obstante é imprescindible que as partes en conflito cesen os
enfrontamentos e permitan ás axencias humanitarias un acceso
continuo á xente con necesidades nas áreas
remotas.
"Podiamos ver que a xente está a loitar; só había algo de peixe e
uns poucos tomates á venda no mercado, e case ninguén tiña os
medios para compralos, dixo Valerie
Guarnieri,
directora rexional do PMA para
África do Leste e Central, durante unha visita
a Wau
Shilluk.
"Necesitamos unha presenza máis forte das organizacións
humanitarias en lugares como Wau
Shiluk para
proporcionar inmediatamente alimentos e apoio nutricional, así como
para reabrir escolas, garantir o funcionamento dos servizos
sanitarios e apoiar a produción agrícola".
O temor á violencia, xunto coa falta de asistencia en lugares
como Wau
Shiluk,
desencadeou unha entrada masiva no centro
da ONU para
a Protección de Civís en Malakal.
Só este mes chegaron
preto de 11.000 persoas. Tres cuartas partes dos recén chegados son
nenos. A poboación do centro podería chegar ás 50.000 persoas nuns
días, pero está deseñado para acomodar a 18.000.
"A este ritmo, a situación no centro de Malakal desbordarase,
e non seremos capaces de proporcionar suficientes servizos e
recursos aos nenos que atravesaron un inferno para chegar a un
lugar seguro", dixo Veitch.
Dende que a violencia estalara en decembro de 2013, máis de dous
millóns de persoas tiveron que deixar os seus fogares, e 4,6
millóns de persoas enfróntanse a unha grave inseguridade
alimentaria.
Para descargar fotos e vídeos: