UNICEF dá apoio de emerxencia aos nenos de Gaza para asegurar a súa volta á escola
UNICEF está xogando un papel clave na preparación de xeito urxente do novo ano escolar en Gaza, que comeza este domingo 14 de setembro.
A reanudación das clases nas 395 escolas públicas deste territorio atrasárase como consecuencia do brutal conflito con Israel, que se prolongou durante 50 días e que finalizou cun alto ao lume o pasado 26 de agosto.
A próxima semana, o
equipo de UNICEF que traballa na zona
centrarase en catro áreas clave:
. Coordinación para asegurar que os nenos desprazados
polos enfrontamentos ou cuxas escolas sufriron importantes danos
materiais, poidan asistir ao colexio no seu barrio.
. Reparación e limpeza inmediata das escolas que serviron como
refuxio para as familias desprazadas pola violencia.
. Planificación e organización dunha semana de dinámicas especiais
para todos os centros educativos, deseñadas para que o persoal
cualificado poida identificar os nenos con maiores traumas a causa
do conflito - e despois derivalos a profesionais
especializados.
. Distribución de mochilas escolares, artigos de papelaría e
material de apoio para o profesorado, así como uniformes e calzado
para axudar ás familias máis vulnerables.
"Os nenos sufriron terribles perdas neste conflito", dixoPernille Ironside, xefe da oficina deUNICEF en Gaza. "Por iso é tan importante que consigamos que o maior número posible de nenos volva ao colexio inmediatamente, para que o proceso de recuperación poida empezar nun ambiente máis familiar. "
Para algúns nenos, o
regreso ás clases non é doado.
"Estou moi triste por
volver ao colexio e saber que foi dos meus amigos", dixoHanadi, de 17 anos, que agora vive coa
súa familia nun refuxio instalado nun colexio da cidade deGaza. "Non sei se desapareceron ou se
seguen vivos. Estou moi triste e non sei como vou volver o colexio.
Non teño a mente para poñerme a estudar. "
Outros, como Sami, de 16 anos, din que volver a clase é signo
de certa volta á normalidade.
"Para min, a escola é o
meu segundo fogar... está ben volver. "
Polo menos 501 nenos
morreron en Gaza durante o conflito, e máis de 3.374 resultaron
feridos. Segundo o Ministerio de Educación, 26 escolas públicas
están completamente destruídas e polo menos outras 207 (incluíndo
75 coordinadas pola Axencia de Nacións Unidas para os Refuxiados de
Palestina en Oriente Próximo, UNRWA)
sufriron diferentes danos materiais.
"UNICEF e os seus aliados participarán plenamente
na reconstrución a longo prazo dos colexios e o resto de
infraestruturas educativas", dixo Ironside. "Pero, para,iso, necesitaremos que os
doadores dean un paso adiante para conseguir os fondos
necesarios".
En total, a campaña da "volta ao cole" de UNICEFcustará máis de 12 millóns de euros ata finais de 2014.
Máis información sobre a crise de Gaza.
As persoas que queiran contribuír ao
traballo de UNICEF nesta emerxencia
poden facelo aquí.