UNICEF celebra o fin do brote de ébola en Serra Leona
A organización solicita maior apoio para os máis de 11.500 nenos afectadosUNICEF acolle hoxe con gran satisfacción a declaración da OMS que marca o fin do brote de ébola en Serra Leona. É a maior vitoria para a resposta coordinada e a gran escala na que a organización traballou durante 18 meses. Agora debe continuar a vixilancia reforzada para que o país estea preparado ante posibles brotes futuros. Débese tamén intensificar o traballo para apoiar ás persoas afectadas polo brote e lograr unha recuperación sólida.
Esta crise de saúde sen
precedentes tivo un impacto profundo e tráxico nos nenos, xa sexa
polo contaxio directo e a morte, ou pola pegada que deixaron neles
as medidas de corentena, o peche de escolas e a recesión
económica", dixo o representante de UNICEF en Serra Leona, Geoff
Wiffin.
"Non podemos permitirnos reducir
os nosos esforzos porque o investimento nos próximos meses axudará
a diminuír o impacto a longo prazo da epidemia nas xeracións
futuras. Temos que colaborar coas comunidades, fortalecer o sistema
de saúde e outros servizos básicos, e asegurar que as familias
afectadas -incluíndo sobreviventes e orfos- non sexan
esquecidas."
Durante a epidemia de ébola,
UNICEF desempeñou un papel crave na subministración de equipamento
médico, distribuíndo máis de medio millón de traxes de protección
para os traballadores de saúde. UNICEF facilitou que os centros de
atención comunitaria de ébola puidesen ampliar rapidamente o número
de camas para os pacientes en 2014, estableceu centros de atención
aos nenos afectados, e ofreceu información e mensaxes de prevención
do ébola ás comunidades a través da radio, SMS, carteis e visitas
de porta a porta.
En colaboración co Goberno,
UNICEF tamén desempeñou un papel fundamental para a reapertura das
escolas, a continuación das campañas masivas de vacinación, e o
lanzamento de proxectos para grupos vulnerables, como infancia
afectada por ébola, nenos fóra da escola, e as nenas que quedaron
embarazadas durante o brote.
Este mes, UNICEF co apoio da
Unión Europea, poñerá en marcha 16 proxectos para fortalecer os
servizos de saúde en todo o país. Por outra banda, e nas mesmas
datas, comezará a construción de dúas escolas de formación para
asistentes de saúde materno-infantil.
Máis de 11.500 nenos de Serra
Leona víronse afectados, xa sexa a través da infección do ébola,
perdendo os pais pola enfermidade, ou estando en corentena. Polo
menos 1,8 millóns de nenos en idade escolar tiveron que esperar
oito meses para volver á escola.
"Supón un enorme alivio chegar ao
final da epidemia", asegura Wiffin, "pero o brote continúa na
veciña Guinea e ata que non se chegue a cero casos, estaremos
alerta, en particular nos distritos fronteirizos como Kambia. En
Liberia tamén houbo casos despois de declarar finalizado o brote
polo que debemos ser extremadamente vixiantes".