UNICEF advirte de que a crise de refuxiados aumentará se non se afrontan as necesidades humanitarias en Sirya e a rexión
A crise de refuxiados e migrantes en Europa empeorará se non se fai un maior esforzo para terminar co prolongado conflito en Sirya e para abordar as necesidades humanitarias dos millóns de persoas afectadas pola violencia, dixo hoxe UNICEF.
"Cada persoa siria coa que falo
dime que se quedou no seu país se puidese sentirse seguro, vivir en
paz e ser tratado con dignidade", dixo Peter Salama, director
rexional de UNICEF en Oriente Medio e África do Norte. "Pon en
risco as súas vidas e as dos seus fillos na súa fuxida a Europa
porque non teñen outra opción e non ven futuro para eles ou para os
seus fillos".
O conflito en Sirya causou que
uns 16 millóns de persoas, case a metade deles nenos, necesiten
asistencia vital e protección, como atención sanitaria básica, auga
potable e saneamento, e educación.
UNICEF informa de que uns 2
millóns de nenos non van á escola no interior de Sirya. Nos últimos
meses 5 millóns de persoas das cidades e comunidades de todo o país
sufriron as consecuencias de longos, e en ocasións intencionados,
cortes do abastecemento de auga. En todo o país, máis da metade dos
hospitais públicos só funcionan parcialmente ou están fóra de
servizo por completo, segundo a Organización Mundial da
Saúde.
Máis de 4 millóns de sirios, a
metade deles nenos, abandonaron o país desde que empezou o
conflito, fai case cinco anos. Os últimos datos da Unión Europea
mostran que a maioría de refuxiados que chegaron a Europa en 2015
proceden de Sirya. Pero mentres se intensifican os esforzos para
afrontar as necesidades urxentes de quen emprenden perigosas
travesías cara a e por Europa, séguese necesitando un apoio
importante nos países veciños de Sirya. Só en Turquía hai preto de
2 millóns de sirios baixo protección temporal, máis do triplo que a
principios de 2014. É o país cun maior número de refuxiados de
Sirya. En Líbano, un país con 4,8 millóns de habitantes, hai 1,1
millóns de sirios, mentres que Xordania alberga a case 630.000
persoas rexistradas como refuxiadas.
A pesar das enormes dificultades
ás que se enfrontan os afectados polo conflito, o financiamento da
axuda humanitaria non segue o ritmo das necesidades. O chamamento
de UNICEF para os programas en Siria e os países veciños durante
2015, por valor de 903 millóns de dólares (807 millóns de euros),
non recibiu nin a metade dos fondos requiridos.
Para acceder a vídeos e fotos:
ftp://video.unicef.es/crisis_mediterraneo
Usuario: Refcom
Contrasinal: uce442087
Para apoiar aos nenos sirios: www.unicef.es/siria