Tifón Melor: a preparación ante desastres foi fundamental para minimizar o seu impacto nos nenos
UNICEF eloxia as accións que o goberno de Filipinas puxo en marcha para minimizar os danos humanos e materiais causados polo tofón Melor. Unha mellor coordinación do goberno, as evacuacións preventivas e a planificación da resposta, demostraron que un país propenso a sufrir desastres pode unirse para protexer a vida dos seus cidadáns, especialmente os nenos.
O pasado domingo 13 de decembro
Melor/Nona pasou de tormenta tropical a tifón, e o goberno comezou
a preparar a resposta a todos os niveis, desde o presidente Benigno
Aquino III, aos traballadores de emerxencias locais. Filipinas
mostrou que o investimento en recuperación a longo prazo pode
salvar vidas e diminuír o impacto dos desastres.
?Estamos impresionados porque o
goberno tomouse as medidas de preparación moi en serio. As
evacuacións preventivas e o gran compromiso que mostraron para
salvar vidas beneficiaron a cada persoa que vive nas zonas polas
que pasou o tifón Melor, especialmente aos nenos, que necesitan
atención e coidado especial nas emerxencias?, dixo a representante
de UNICEF en Filipinas, Lotta Sylwander.
Desde o comezo da resposta ao
tifón Haiyan, o traballo de UNICEF en Filipinas en preparación ante
desastres e emerxencias complementa os esforzos do goberno para que
comunidades e servizos sociais básicos sexan máis resistentes e
estean orientados aos nenos. O investimento dos dous últimos anos
en redución de risco de desastres, saúde e nutrición, auga,
saneamento e hixiene, educación, protección infantil e política
trouxo grandes beneficios e promoveu unha cultura de preparación
ante desastres entre os traballadores sanitarios, profesores e
traballadores de emerxencias, entre outros. Isto demostrouse nos
tifones posteriores e, máis recentemente, no tifón Melor.
UNICEF traballou estreitamente co
goberno, a sociedade civil, o mundo académico e os nenos mediante
diversas accións para aumentar a capacidade de recuperación e
protexer e promover os dereitos dos nenos a longo prazo. Algúns
exemplos de UNICEF nesta área son:
- Restablecemento do sistema de almacenamento, transporte, distribución e administración de vacinas.
- Investimento en enerxía solar para afrontar os cortes de electricidade.
- Promover a colaboración entre os gobernos locais, o mundo académico e a sociedade civil para facer plans de resposta de saúde en emerxencias para os traballadores sanitarios locais das Oficinas de creación de capacidades en Redución de Risco de Desastres e Xestión.
- Ofrecer oportunidades aos nenos e mozos para que se involucren nas actividades comunitarias de preparación ante desastres.
- Traballar con oficiais de educación para adoptar Plans de Mellora das Escolas que incorporen elementos de promoción da educación, saúde e seguridade dos nenos.
Mentres o tifón abandona o país, UNICEF e o resto de organizacións de Nacións Unidas continúan preparados para actuar. UNICEF conta con subministracións para 12.000 familias e está listo para axudar ás axencias do goberno responsables de garantir os dereitos da infancia.