Terremoto en Nepal: novo chamamento urxente de UNICEF
Ao redor de 1,7 millóns de nenos necesitan axuda urxente nas áreas máis danadas polo terremoto en Nepal, segundo UNICEF.
UNICEF fai
un chamamento por valor de 50,35 millóns de dólares (45,6 millóns
de euros) para poder proporcionar axuda humanitaria aos nenos e as
súas familias ante o crecente risco de brotes de enfermidades. Esta
petición de UNICEF forma
parte dun chamamento de varias axencias para afrontar as
necesidades inmediatas durante os próximos tres
meses.
Se ben a poboación infantil afectada nos 35 distritos nos que o
Goberno declarou o estado de emerxencia alcanza os 2,8
millóns, UNICEF centrará
os seus esforzos nos primeiros 90 días en atender as necesidades
urxentes dos 1,7 millóns de nenos que están nos 21 distritos máis
devastados.
O terremoto de magnitude 7,9 deixou case 5.000 mortos e máis de
9.700 feridos. Ademais, decenas de miles de persoas permanecen en
espazos abertos e campamentos temporais no val de Katmandu e o
resto de distritos máis afectados.
"As vidas de moitos nenos foron esnaquizadas e necesitan
desesperadamente axuda vital, como auga potable, refuxio e
saneamento", di Tomoo
Hozumi,
representante de UNICEF Nepal.
"Sen auga potable, as enfermidades que se transmiten a través deste
medio continúan supoñendo un gran risco para os nenos. Moitas
familias están a loitar simplemente para protexerse do sol e da
chuvia. Agora esperamos que as necesidades aumenten nos próximos
días, conforme recibamos máis información das áreas máis remotas e
a magnitude total do desastre se faga máis
evidente,".
UNICEF está
a traballar cos seus aliados para proporcionar asistencia
humanitaria vital, incluíndo auga potable e
refuxio.
As últimas actualizacións da resposta de UNICEF inclúen:
- Envío e distribución de tendas de campaña, kits de hixiene, pastillas para potabilizar a auga e cubos, a Gorkha, epicentro do terremoto, onde debido á presenza de cadáveres hai risco de brotes de enfermidades. Tamén se mandaron subministracións vitais a Kavre e Dhading.
- UNICEF está a repartir pastillas para potabilizar auga, cubos e kits de hixiene en Bhaktapur, onde se estima, que só 1 de cada 5 persoas ten acceso a auga potable.
- Camións cisterna están a distribuír auga potable en 16 campos informais que se estableceron no val de Katmandu.
- Os equipos están a identificar e asisten aos nenos que quedaron separados das súas familias.
- UNICEF está a traballar cos seus aliados para proporcionar apoio psicolóxico aos nenos que viven en campamentos informais, que experimentaron un gran shock.
Máis do 80% das instalacións sanitarias nos cinco distritos máis afectados sufriron grandes danos, polo que a atención aos pacientes se fai na rúa. Das 323 escolas avaliadas en 16 distritos, 274 están danadas parcial ou completamente, o cal subliña a necesidade de espazos temporais de aprendizaxe para protexer os nenos e permitilos establecer unha rutina.
Para acceder a vídeos e fotos:
ftp://video.unicef.es/terremoto_Nepal
Usuario: Refcom
Contrasinal: uce442087
Para máis información e contribuir ao traballo de UNICEF nesta emerxencia:
https://www.unicef.es/terremoto-nepal
Caixabank | ES39 | 2100 | 5731 | 70 | 0200005001 | |
BBVA | ES65 | 0182 | 2370 | 41 | 0010033337 | |
Santander | ES51 | 0030 | 8301 | 77 | 0000304271 | |
ING Direct | ES98 | 1465 | 0100 | 95 | 6000000000 |
A través de teléfono móbil www.unicef.es/38080