Terremoto en Afganistán e Paquistán: dificultades para levar a axuda aos nenos
A inseguridade, o difícil acceso ás zonas afectadas e as condicións climatolóxicas complican a atención á infancia afectadaOs nenos nas zonas afectadas polo terremoto en Afganistán e Paquistán enfróntanse a máis ameazas mortais, debido a que as condicións extremas e a inseguridade privaron ás comunidades de axuda, advertiu UNICEF.
Ao redor de 200 persoas morreron,
incluídas 12 nenas dunha escola, e unhas 1.000 resultaron feridas o
tremor de magnitude 7,5. A metade dos afectados son nenos.
As fortes choivas e a neve
golpearon durante os dous últimos días ás áreas remotas e
montañosas afectadas o terremoto. A comunicación é moi pobre e o
acceso difícil, debido á dureza do terreo e as condicións de
seguridade.
"Estamos moi preocupados pola
seguridade e o benestar dos nenos, que son os máis vulnerables en
calquera desastre e que agora están en perigo de sucumbir ante os
elementos, xa que as temperaturas caen en picado", dixo Karin
Hulshof, directora rexional de UNICEF para Asia Meridional.
Algunhas das zonas golpeadas polo
terremoto continúan inaccesibles, mentres que gran parte do resto
da rexión afectada é de difícil acceso, mesmo en circunstancias
normais.
O persoal de UNICEF en Afganistán
e Paquistán está a traballar cos seus gobernos e está preparado
para proporcionar subministracións vitais a decenas de miles de
nenos afectados e as súas familias.
UNICEF advirte de que os servizos
sanitarios, de nutrición, hixiene e educativos estarán sometidos a
unha presión excepcional, pondo en risco a máis nenos.