TEAM UNICEF WORLD RUN: A MAIOR CARREIRA CONECTADA A PROL DOS NENOS
UNICEF anima aos corredores profesionais e afeccionados de todo o mundo a unirse a Team UNICEF World Run rexistrándose desde hoxe na páxina web www.teamunicefworldrun.es e conectándose a través da súa aplicación móbil de correr o próximo 15 de novembroUnha Carreira conectada de 10 km
Team UNICEF World Run é unha carreira solidaria conectada con miles de corredores repartidos por todo o mundo. Esta carreira, que non ten horario nin lugar de saída, permite aos participantes correr onde queiran e á hora que queiran co único requisito de conectar a súa aplicación de correr o día 15 de novembro e correr 10 quilómetros.
Despois de rexistrarse na páxina
web: www.teamunicefworldrun.esos participantes pódense conectar simplemente desde a súa
aplicación do teléfono móbil (RunKeeper, Strava, Nike+, Runtastic,
MapMyRun, Endomondo) ou desde o seu reloxo GPS (Garmin e Polar).
Onde queira que estean, os corredores poden formar equipos de entre
1 e 4 persoas.
Corredores de todo o mundo
participarán solidariamente na mesma actividade, correndo desde os
seus respectivos países aínda cando estean a miles de quilómetros
dos demais membros do equipo.
Misión: loitar contra a desnutrición infantil
A Team UNICEF World Run é unha
carreira solidaria porque ten como misión a loita contra a
desnutrición aguda grave que provoca a morte de case 8.000 nenos
cada día en todo o mundo. O total dos fondos que se consigan coa
carreira destinarase a UNICEF para apoiar o traballo da
organización nesta área.
Cunha inscrición de 10€, 8 nenos
poderían ser tratados contra a desnutrición aguda grave durante un
día. Os primeiros 1.000 inscritos recibirán a camiseta oficial da
Team UNICEF World Run.
?A pesar dos avances, a
desnutrición infantil segue sendo unha das principais ameazas para
a supervivencia, a saúde e o crecemento de millóns de nenos. No
mundo, hai 161 millóns de nenos e nenas menores de cinco anos
con desnutrición crónica. Sabemos da importancia de actuar agora.
Xuntos podemos conseguir un futuro mellor para todos os nenos e que
mellor forma de facelo que a través do deporte. Esta mobilización
de tanta xente é unha mensaxe de esperanza e vida? dixo Carmelo
Angulo, Presidente de UNICEF España.
Para compartir a mensaxe, os participantes poden:
- Compartir fotos dos seus adestramentos e da carreira en Facebook, Twitter ou Instagram, usando o hashtag #TeamUNICEF
- Involucrar amigos e familiares para participar na carreira ou para apoiar o seu equipo facendo un donativo a UNICEF
Team UNICEF World Run é un evento organizado por UNICEF e apoiado pola tecnoloxía desenvolvida pola start-up Running Heroes. Ademais conta coa colaboración de Correos.