Sudán do Sur: todos os nenos de volta á escola
En Yambio, Ecuatoria Occidental, púxose en marcha unha campaña para investir a tendencia predominante no país de baixa asistencia á escola, e que 400.000 nenos volvan ás súas clases.
"Todos os nenos en Sudán do Sur teñen
dereito á educación, vivan nun estado pacífico ou nun afectado polo
conflito", dixo Jonathan
Veitch,
representante de UNICEF en
Sudán do Sur durante a súa intervención no
evento. Veitch falou
en presenza do gobernador, do embaixador de Xapón, do ministro de
Educación, Ciencia e Tecnoloxía, do goberno local, de organizacións
no e dos nenos en idade escolar e as comunidades que
asistentes.
"O actual conflito", continuou Veitch,
" e unha economía cada vez máis fráxil devastaron o sistema
educativo do país, e isto ten enormes consecuencias para toda unha
xeración de nenos en Sudán do Sur. Tamén é unha cuestión vital -
sabemos que un neno cuxa nai sabe ler ten un 50% máis de
probabilidades de vivir máis alá dos cinco anos.
A educación é, de todas as intervencións
de UNICEF en
Sudán do Sur, a que sofre o maior déficit de financiamento: ata
agora só recibiu un 21% dos fondos para 2015. O goberno de Xapón
contribuíu xenerosamente con 9,5 millóns de dólares en 2015 para
financiar os programas de UNICEF,
incluída a educación, en todos os estados de Sudán do
Sur.
"O goberno de Xapón comprometeuse a axudar aos nenos a volver
aprender na nación máis nova do mundo",
dixo H.E. Kiya
Masahiko,
embaixador de Xapón en Sudán do Sur. "Só a
través da educación poden desenvolver o seu potencial e construír
un futuro pacífico e estable para todos".
Tanto o representante de UNICEF coma
o embaixador de Xapón felicitaron as autoridades
de Ecuatoria
Occidental por
dar prioridade á educación. O gobernador tomou a iniciativa
insistindo na educación para todos, especialmente
para
as nenas, e a demanda de educación no estado está nun máximo
histórico. Non obstante a escaseza de recursos fai que as
autoridades do estado non poidan cubrir a demanda, polo que os
nenos abandonan a escola.
Mentres as taxas de escolarización en Ecuatoria
Occidental reverteron
a tendencia e aumentaron nos últimos anos, as taxas de abandono
escolar tamén se incrementaron de forma preocupante. Máis do 50%
das clases neste estado aínda se levan a cabo ao aire libre. O
obxectivo do estado é devolver a escola a 40.000 nenos que están
fóra dela (incluíndo un 40% de nenas).
Volver á Escola, é unha iniciativa de 42 millóns de dólares,
lanzada en todo o país en febreiro de 2015, dirixida aos nenos que
nunca estiveron na escola ou que se viron forzados a abandonala:
200.000 nenos nos estados afectados por conflitos e 200.000 noutras
áreas. Ata agora proporcionouse acceso a oportunidades de
aprendizaxe a máis de 100.000 nenos, e a campaña podería alcanzar o
seu obxectivo a finais de ano.
Para descargar fotos e vídeos:
ftp://video.unicef.es/sudandelsur
Usuario: Refcom
Contrasinal: uce442087